Wei Ailun kongkoho

Wei Ailun kongkoho (魏愛倫護理師)

Wei Ailun (Inkiris: Estelle Wilkerson, 1918 miheca 8 folad 30 romi’ad – 2011 miheca 12 folad 23 romi’ad), kangkoho no Amilika, halafin malahakelong to fa’inay ci Weikes isingan ko tayal itini Canghua Kristokiw isingan, mikiwiko to malakangkohoay.

Ni’oripan (生平)

I 1918 miheca 8 folad 30 romi’ad, masofoc i Roane niyaro no North Carolina i Amilika, itira i Woodleaf mingataay to mimingay Salibury malingaday niyaro’ pitilidan, ikor itira to cingra i Montreat Junior College a mitilid, saan i 1942 miheca misawad i Virginia daykako.   

I 1942 miheca tangasa 1946 miheca, itira i Charlotte niyaro’ i North Carolina no ciwlokiw isingan a kangkoho pitilidan a malasingsi[1]. I 1947 miheca tangasa 1948 miheca, malakapot ci Weikes ising minanam to sowal no kowaping i Yale daykako, o sakatayraaw ni Weikes ising i Congko malasinkiw a ising[2]. I 1948 miheca 1 folad, mararamod cangra tatosa[1], ta malahakelong cangra tayra itira i Jiaxing, Kristokiw malaising i Zhejiang, ci poyapoy ci Wei Ailun tayra i Shanghai pasofoc, itira sa ci Weikes ising i  Jiaxing itiya[3]. Mapatireng ko Conghuarenmin sakapot i, palasepayke han ci Weikes ising micalap to 9 a folad[2], tangasa 1951 miheca a mapasadak[3]. Ira ko tatoloay wawa to fa’inayan ato cecay wawa to fafahiyan a wawa, kasadoedo sakakaay ci Stephen, fafahiyan ci Nancy, saka tosa fa’inayan wawa ci Douglas, saka tolo fa’inayan wawa ci Joseph[1].  

I 1953 miheca, ci Wei Ailun ato fa’inaymatatoor tayni Pintong no Taywan, Ciayi Kristokiw isingan ato Taypi Makay isingan mipatado kko tayal, saka tosa miheca i nipitahidang ni Lan Tapi ising tayra i Canghua Kristokiw isingan mipatado ko tayal[3]. I 1965 mihecaan i, ci Wei Ailun mala’a’isidan no Canghua Kristokiw kangkoho pitilidan a mitahidang to mitiliday, tolo mihecaan ko pinanaman to sakafana’, pacakat palowad to citekeday a nifana’an.  

Saan i, mikihatiya haca ci Wei Ailun to roma a dademaken tayal, halo saki roma kitakit sinkiwsi a wawa patirengan Morrison pitilidan pasifana’ t okawcong, kocong a sifana’ [1]. I 1977 miheca, saka tolo a wawa to fa’inayan ci Joseph matolo’ a mapatay, ca Wei Ailun a mararamod mikakilim to sapinokay tayra i Amilika hikoki a payso, ikor o kapolongan to ko padafohay manga’ay minokay milosimet to pina’ang[3].  

 I 1980 miheca 7 folad 1 romi’ad, misawad to ci Weikes ising[2]. I 1981 miheca tangasa 1983 miheca, ca Wei Ailun mararamod itira i Beverly no Kentucky a Home Mission Hospital ko patado no tayal, I 1984 miheca tayra haca i Pakistan pisinting a tayal, i 1985 miheca misawad ci Wei Ailun, tayra to i Montreat no North Carolina ko aro’ [1]. I 1998 miheca 4 folad 19 romi’ad, matahidang cangra tatosa no Canghua Kristokiw isingan milayap to pakaolah no pipacakat isingan ca Weikes isingan ato pilada’ to saka’orip nangra tatosa[4]. I 1999 mihecam malinah haca cangra tayra i ighland Farms no Buncombe a maro’ [1]. I 2000 miheca, maocor no kakeridan ci Chen Shoudong ising aci Chen Meiling i North Carolina miliso’ cangraan to kato’asan no o’rip[2].

I 2001 miheca 6 folad 11 romi’ad, o fa’inay ni Wei Ailun ci Weikes ising mapatay[2][5]. I 2011 miheca 12 folad 23 romi’a ’ayaw to dafak, tadanca k otireng no adada ni Wei Ailun mapatay i Highland Farms a loma’. Mapatay ci Wei Ailun i, o wawa ci Stephen mikabsya t oCanghua Kristokiw isingan padeteng sa tayni Taywan miahowid, tadong talolong ko kasasikiher no ina ci Wei Ailun ato Taywan[1].

Ikoray no 'orip (身後)

I 2013 miheca 9 folad 30 romi’ad, Canghuasien sarakatay pisa’opoan to mato’asay pidipotan to romi’aday a kaitiraan, oya Canghuasi Mincolo 209haw 5 tongroh, o nano Siencenfo Syakayco padafohan to Canghua Kristokiw isingan ko pipatireng, o ngangan ni Wei Ailun ko patodongan pangangan “ Wei Ailun pinanaman” sanay[6].

Pinengnengan (參考)

1.台彰化基督教醫院 追思美籍宣教士魏愛倫. 《基督日報》. 2012-03-19 [2019-12-26]. （原始內容存檔於2019-12-26） （中文（臺灣））.

2.吳玉貞. 魏克思 病逝美國 醫療傳道留身影. 《民生報》. 2001-06-24 （中文（臺灣））.

3.詹建富. 魏克思 慈心巧思的外科高手. 《民生報》. 1998-04-04 （中文（臺灣））.

4.吳玉貞. 傳承魏克恩大愛 彰基籌募基金 義賣畫作剪綵 魏醫師好激動 昔日病友相會 笑淚中見溫馨. 《民生報》. 1998-04-20 （中文（臺灣））.

5.吳玉貞. 感念、告別 魏克思醫師 無私行止 風範長存 彰基追思 無限悵惘. 《民生報》. 2001-08-20 （中文（臺灣））.

6.吳為恭. 彰縣首家專收失智 日照機構月底啟用. 《自由時報》. 2013-09-28 [2019-12-26]. （原始內容存檔於2019-12-26） （中文（臺灣））.