U Demak nu Cikasuan

U Demak nu Cikasuan i 'a:yaw yo itin i Taywan ko Ripon, o Ripon ko mikowanay to malakoliay a Cikasu'an finawlan. Nay 1898 miheca tangasa 1904 miheca, i aniniay a kalingko (Hwalien ciansyang) o malakoliay no Ripon a Cikasoan finawlan, samsamen no Ripon cangra, pinapi:na to a folad caay palipida'en no Ripon, sisa malocong ko faloco' nangra a mapacefa' a masamsam no no Ripon. U demak nangra itiya o mikaliay a pisabokugo(防空壕) han no Ripon misefengay(看守)  misanga' to rangat ('adiper) matalaw a comodan no Taloko. eca kahacuwa ko nipalipida' i cangra'a, ano eca pidodo tosoeal no tayrin, o matoka'ay han no Ripon cangra. Nikaorira o caay pirara cangra o malalokay madopohay ko Pangcah hananay, sowal sa ko Ripon o matokaay saan, o patelacy ko sowal nangra moraraway ko nipimelaw no Ripon, misanga' to sakasaan(理由) ko Ripon to saka ecaaw palipida' to matayalay no Cikasoan finawlan.

Alo'uday simeden no Ripon ko lipida' nangra, pasoson itiraen i tomok a pateli, o tomok ko pasilsilay a pafeli to lipida' nangra. Mince (明治) 41 miheca (1908 miiheca) 12 folad mikoliay i Ripon a pangcah mingata' to kakoli'an koloma' nangra o kakeridan nangra ci Cilo'using (芝魯霧甸) safaw to walo (18) kotamdaw no heni. Linahen a patayra i miraaay to loma' ko kadademaken nangra, nawhan mararomay hen ko faloco' nangra a maoron to to'as nangra mamaanay to ko loma' hakiya saan kofaloco' nangra.