To’as a kimad no Sao finacadan

To’as a kimad no Sao finacadan (邵族的神話傳說)

Itiya:ay ho to’ek, lalinik no Riyutan ira maro’ ko kafahekaan a ma’oripay, o fafaed no tamdawan ko tatirengan, laeno no fotingan tireng, dadaya’ ko kacifokes, itira sa lalinik no nanam a malawla, sacisowal sa ko Sao finacadan tamdaw cairaan i o “Takelaha” saan.

Ona itira i Riyutan ko aro’ no Sao finacadan itiya i, o masasili’ayay to inanommay matiwa’ay koedaway ko fokes tamdaw foting a Takelaha. O Takelaha ato Sao finacadan o nao iraay no Riyutan a foting, kafos, took ato fidac ko saka’orip, pina:ay to cicingan ’ofad mihecaan a iraay no Riyutan, caay ka lowan ko iraay pinaala no Takelaha ato Sao finacadan itira.

Nika, falal sa eca to pakaala to foting ko Sao finacadan. Sararawraw sa ko kakitaan no niyaro’ ci Paitamo, sowal sa: “O nika kadofah iraay foting kafos no Riyutan o nano to’asan no mita, saka awaayko kacango’otan ma’orip to romi’ami’ad, masasira’oy to Takelaha iraay no Riyutan, nika talifahal sa cidemak to matiwa’ay a demak…”

“Nao, macicih ko salil no mako?”

“Ah, milaliw ko toda i rakar.”

“Ai, maso’ot no lakaw to sapilikafos.” Saan.

Satapang i, mahinapec ko finawlan tamdaw, nao masamaanay kinademak? Caay pakaala to foting kafos no fanaw i, samaan sato.

“Tayra aca kako minengneng masamaanay kira demak.” saan ko macodahay tamdaw no finacadan ci Noma pasowal.

O tada macelemay ci Noma a kapah, ’akawangay ko tatirengan, o pipacing ningra masakaala, micelem sa halafin i laloma’ no nanim caay pasasela’. Cakod sato ci Noma i fanaw a micelem, saranikay sato micelem i talolongay no fanaw. Tangasa i saliyoc ko pidangoy ningra i, misolap to salil ato rakar i, manengneng ningra ko kidefetay mataringay a masamaamaanay salil ato rakar itira, o halafinayto a kinafalah, ira ko inacilaay ho.

Itira toya talolongay a nanom, manengneng ni Nama koya matawa’ay a Takelaha mikari’ang to rakar a sapitada.

“Oo, o matiniay aca kinisaw.” Matiniay ko nademak saka eca pakaala to foting ko finacadan ako sato ci Noma itiya.

Nanoya mala’odo’odot to ci Nama ato ya Takelaha i lalinik no nanom, mace’es to ko nanom talatokos no lotok, mala’odot to tolo romi’ad tolo dadaya awaay ko pinang to cimaay ko matapi’ay. Nanoya maroray to caira to nika la’odot, maliyang ci Noma to pipikari’ang a demak no Takelaha, marketer ko Takelaha a paca’of, sowal sa: “Ilalinikay no Riyutan a kidefetay mataringay a masamaamaanay salil i, ano o sakalasawad no foting ato kafos toraan i, manga’ayho ira ho ko saka’orip haw?”

Nano ono niyah ko so’elinay a nengneng o sanay ho ni Noma, tengitengilen to ko sowal no Takelaha i, o kafokilan no finawlan a nidemakan i Riyutan a kaoratan a demak. masapinang to ko kasalala’isan, lali’ay sato matatahic ci Noma aci Takelaha, nawhani mafana’ cangra o sasamaanen ko pisalof to hatiniay to lafin a demakan.

Pakayni tonini a demak, o Sao finacadan itiya to masapinang naira ko sapidoedoaw to kinaira no painiay to kinaira, nanoya misakelec to ko finawlan to pifotingan a romi’ad, o salil ato rakar mi mipatolas to, saka eca ka “hadefok” ko demak.

Sao finacadan mipatado miparakaw to milaladay semot fafaed nanom no Riyutan, ta ira ko kakaenen, kasofocan, pilenakan a paring. Ano haenen i, o sakapidoedo no foting kafos a malenak i Riyutan, oya sato a Takelaha nanoyaan sato eca kareckec, manengneng no finacadan tamdaw ko kanawnaw i nanom ko Takelaha mikadat to fokes a mikicacidal. Saan ko kimad no Sao finacadan.