Song Congcian foksi
Song Congcian foksi (宋忠堅牧師)
[mikawit | o yin-se-ma no pisinanot]Song Congcian (Inkiris: Duncan Ferguson, 1860 miheca 12 folad 30 romi’ad—1923 miheca 3 folad 15 romi’ad[1]), nai Scotland a singkiwsi no Taywan Keristo ciwlo kiwkay. Ona lecadan ni Tomas Pakeli foksi (Thomas Barclay) i Yiwiy kalaloodan mikerid to sofitay no Dipong micomod to Taynanfo niyaro’.
Kasofocan (生平)
[mikawit | o yin-se-ma no pisinanot]I ’ayaw, tona awaay ko harateng ni Song Congcian to sakala tintosi a tayal, nika itira i kalitemoh to macodahay to pitoor a foksi a mafiyol, ikor i Daykako ato kawasan a pitilid a mala singkiwsi.
I 1889 miheca, ci Song Congcian maocor tayra i Taynan ta misarocod minanam to sowal no Payrang, kinapinapina mililis to kako kiwkay no niyaro’. Ikor, tayra cingra i Posong misolap to kiwkay, pinakayan i makowang no yincumin finacadan, nika caay ka semer to patay a madoka’.
I 1895 miheca Yiwiy laloodan i, Taynanfo niyaro’ a sofitay i pilood no Dipong itira i Ecenhang ’alo sa’icel sa milaliw; oya niyaro’ay ’alomanay tadamanay tamdaw ato malali’acaay tamdaw o saka ecaaw ka piri’ang no mitakaway tamdaw, nanoya miocor to pinapina a singkiwsi no kiwkay patorod to sakaeca ka picalap no sofitay no Dipong a milongoc sawad. Ikor, ci Song Congcian aci Tomas Pakeli a foksi mihawikid to tilid a tayra ici Nogi Maresukean, saka tosa romi’ad mikerid to sofitay no Dipong micomod to Taynan niyaro’; tatosaay foksi nanoya sa i 1897 miheca 4 foladmapatamohong to kompay cangra tatosa.
I 1896 miheca 1 folad, ci Song Congcian, Mei Cianwu, Lan Daifi misolap to sapapatireng to isingan a tayra i Canghua sa’etal.
Rama i, ci Song Congcian misolap to kiwkay mipatado misolimet to sakidafong no kiwkay, malacitodongay to “Taywanfo niyaro’ sinpon no kiwkay a citodongay, mala ’a’isidan no congsie. Masarocod cingra to pipatireng t ociwkay lomaoc, ikor mapatireng to ko sakalaoc.
I 1908 miheca 12 folad 30 romi’ad, Taynan kiwsikay matahidang no Dansui kiwsikay, patodongan ci Song Congcian saka 2 miheca 1 folad tayra i ’amisan mikerid to piseking ci Liu Zhongjian to saraskatay pitaneng t osowal[2].
1921 miheca, malaliyaw ko adada ni Song Congcian pahanhan to 1 miheca.
I 1923 miheca 3 folad 15 romi’ad, mapatay i Inkiris ci Song Congcian[1][3][4].
Laloma’an (家庭)
[mikawit | o yin-se-ma no pisinanot]Maocor to saka 2 tayni i Taywan ci Song Congcian ato Elizabeth Song mararamod; I pihakelong ningra to fa’inay misarocod mipaising ato micikeroh fafahiyan salongoc[4]. I 1901 miheca, mapatay i singlo isingan ci Elizabeth Song. I 1910 miheca, ci fafahi ci Song Congcian ci Yu kayingan (Miss Usher). Tatolo ko wawa ni Song Congcian ato fafahi nangra[4]: o kaka fa’inayan madoka’ a mapatay, saka 2 wawa ira i Canada malali’acaay ko tayal, o wawa to fafahiyan ci Hazel Lombay Ferguson itira i Tiberias[3] kiwkayan isingan malakongkoho ko tayal[1].
Pinengnengan to tilid (參考資料)
[mikawit | o yin-se-ma no pisinanot]1.宋忠堅牧師小傳（中會）. www.laijohn.com. [2017-10-25]. （原始內容存檔於2017-10-20）.
2.國立台灣師範大學台灣文化及語言文學研究所. 台灣白話字文獻館-關於白話字-台灣基督教長老教會簡表. pojbh.lib.ntnu.edu.tw. [2017-10-25]. （原始內容存檔於2018-04-19）.
3.宋忠堅牧師 （楊）. www.laijohn.com. [2017-10-25]. （原始內容存檔於2017-10-23）.
4.【專文】為愛燒盡—台灣第一位現代女醫宋伊莉莎白醫師. 【民報】. [2017-10-25]. （原始內容存檔於2017-10-26） （中文（臺灣））.