Song Ciao simpo

Song Ciao simpo (松喬神父)

Song Ciao (Inkiris: Georges Massin, 1916 miheca 9 folad 2 romi’ad – 2007 miheca 10 folad 2 romi’ad), pangangan sa ci “Song Ciao mama”, o nano Belgium Tinsokiwkay niocoran a tarokos, o sakapot patirengay to Joseph (Ruose) isingan i Yunlinsien no Taywan, saka tolo rekad pakalayapay to isingan pacakatay to kompay.

Salongan pasifana’ to ’orip (生平概略)

’Ayaway miheca (早年)

Song Ciao, i 1916 miheca 9 folad 2 romi’ad masofoc i Belgium, i 1942 miheca 7 folad 25 romi’ad i Leuven no Tingsokiw daykako, macakat malasimpo, malakapot ci Lei Mingyuan simpo tayra i Jiangsu no Congko patenakay[1]. Sa’ayaw i, maocor cingra tayra i cecay kanatal no Haimensien i Jiangsu patenakay[2]. Mapatireng ko Conghuarenmin kongheko itiya i, marofo ko kakeridan, ma’edef ko kiwkay, oya sato ci Song Ciao tayra sato i isingan no salikaka malacitodongay milintokingay (X ray) tayal, nanoyaan minanam to fa’elohay isingan a fana’, i 1953 miheca malaplap pasadak, minokay tayra i Belgium[1].  

Yosif (Ruose) isingan (若瑟醫院)

Itiya cango’ot ko Ciayi sa’etal kiwkay to sapipatirengaw to isingan i Yunlinsien, nawhani oya ci Song Ciao sakiisingan to pikinsa ato pilintoking a fana’, saka pa’ayawen ni Bi Yaoyuan cingra a mikerid tonini[2]. I 1955 miheca 6 folad, oya ci Song Ciao pakatamina nai Belgium a tayni Taywan, ikor no 3 fiolad tangasa i Kilong minato[1].  

I 1955 miheca 12 folad, Yosif (Ruose) isingan misatapang, ci Song Ciao ko kakeridan itiya[3]. Nawhani i taliyok no sa’etal awaay ko nga’ayay a isingan, oya Joseph (Ruose) isingan to ko tadamaanay to isingan i Yunlinsien, ni Song Ciao a tekedan nifana’an to pilintoking (X ray) manga’ay i ma’engiday ko fala’ (haykikkak), Amipa kapiyasan a pikingsa, mapadamso ko ta’akay sadama, mahirateng ni Bi Yaoyuan ko nipilintoking (X ray) to cecay romi’ad ira ko lima, enemay so’ot ko tamdaw to Huwiy nicong a mitiliday[2].   

I pisatapangan, polong no isingan tatosa ko ising, tatosa ko kangkoho, ato mamo’etepay ko simpo siwni[1]. Ikor to ira ci Cai Bexun tayni matayal, o nano Haimensien a tamdaw, o nano Tingsokiw sa’etal kakeridan nikiliman ni Niu Huicing Cociao nai Tayciw patayni[4]. I 1969 miheca, o dengan fafahiyan a ising no Yosif (Ruose) isingan miliyasay, oya ci Song Ciao mikotayay no 803 isingan ci Ma Fulong ising[5].

Tona mapatireng ko Yosif (Ruose) isingan, o loma’ ni Song Ciao itira sa i katayalan no yinciw, to dadayadaya manga’ay ningra miliso’ to adadaay a mitolon, sakalalicay no adadaay[2]. Caay papi Takaen ningra ko midipotay kangkoho, paretatenga o katayo no matayalay kangkoho ira ko kacango’otan[3].

Satapangan, o masiponay ko Yosif (Ruose) isingan, saka militado ci Song Ciao to nai Belgium a kakiharan, milada’ to pakingking no kiwkay ato widawidang a padamso, roma tayra sa i Europ mirakat pasorot, sapilakec to kararimaan cango’ot sakidafong no isingan[2]. Marahiday ko ’orip ningra, malakakeridan no isingan caay pilikapo[1][3]. Ikor no romi’ad, o pangangan no tamdaw cingraan paka ci “Song Ciao mama” a han pakalayap to saka 3 rekad isingan pacakat kompay no Taywan, sapinokayan tayra i Belgium mipalada’ to widang to katadamaan i, nika awaay ko sapi’aca to kippo no hikoki a minokay, ikor o kapot matayal i isingan ko misopsopay to payso padama, ta manga’ay aca minokay tayra i Belgium a sapikalic[1].    

Tona tanektek to ko rakat no Yosif (Ruose) isingan, caay sapidadahalaw patireng to isingan, o kinairaan a payso ato misorotan payso patayraen ningra patireng to kikingkay, sapadang to pakatiihay wawa, pakosiya tamdaw, mapilihay tamdaw[2].       

Dengan pakosiya a tamdaw, oya cango’otay wawa o sarakatay padipotan. ’Ayaw maledef ko mapilihay kaemangay wawa, o Yosif (Ruose) isingan pakayni yolansya micolo’ to adadaay tayra ’amis paising, patireng to sarakatay pacarcaran paising no wawa ato 24 tokian kacalohan no wawa paising i Yunlin, patireng to dengan pitomadawan to makemaay wawa pipaisingan i Yunlin, itiya patireng to li’ayawan paising no wawa ato piyatayatan.

Maledef to ko Cienpaw no finawlan itiya, caay kai cienpaw ko pinengneng a todong ni Song Ciao, dotoc sa to caayay demaken no roma a isingan, caay ka nengneng no sifo, nika oya kangalayan no safaay no syakay a sakiisingan tayalan naira[1].  

Awaay manengneng ko A, Rh remes ni Song Ciao, tangasa i 1993 miheca ira to ko 37 mihecaan to pasadak to remes a kafana’en cingraan[2]. O kapot no Yisiao no Huweicen cingra, tangasa karaodan no mihecaan a misawad ko tayal[1].      

Kalitengan miheca (晚年)

I 2002 miheca, Yosif (Ruose) isingan a tomadaway (Tongsihui) mitahidang to nai Takao Cangkeng wawa isingan kakeridan ci Huang Chongbin ko citodongay saka 2 rekad a yinciw, oya mata’elifay to 40 miheca a kakeridan ci Song Ciao simpo palakomongen no isingan[6]. Mato’as to mihecaan ningra, I 2006 mihecaan 8 folad misitapang to mafoti’ to adada, i 2007 miheca 10 folad 2 romi’ad dadaya 11 ko toki nao adihayay kasamo’an no tireng a mapatay to[7].   

Paikor no sowal ningra a tilid: “O nipatorodan no Wama i kakarayan takowanan, nanay o Yosif (Ruose) isingan mala ciolahay ato cisini’adaay ko nidemakan, padama to adadaay ato laloma’an, ngalef oya pakoyocay tamdaw, marariday malawa nosyakay a tamdaw a kasini’adaan tamdaw cangra.” [1], 13 romi’ad mapatayra i patademan no Tingsokiw, okinacecay manengneng miraod ci Cang Huimei, paradiw to “O sini’ada no Kawas”, ato nano radiw ni Cang Yuseng to “Ikoran ko nikafana’” [8]. Matadeem i Minsiong Tingsokiw tadamaanay lotok pitademan[1][7].  

Pinengnengan to tilid (參考資料)

1.張肇烜. 【仁醫心路】死都葬在台灣...松喬老爹：一生努力為窮人服務. 《民報》. 2016-08-20 [2020-01-07]. （原始內容存檔於2019-11-29） （中文（臺灣））.

2.張耀懋. 半路出家的醫事技術員 卻把大半生獻給了中國的病患 松喬在雲林用心經營“病患的家”. 《民生報》. 1993-03-26 （中文（臺灣））.

3.王建訓. 創辦若瑟醫院 松喬神父病逝. 《中國時報》. 2007-10-05 （中文（臺灣））.

4.林進修. 《醫療從愛出發》《第十一屆醫療奉獻獎個人獎得主素描４》 蔡伯遜 小鎮老醫師 用‘心’看病. 《民生報》. 2001-05-10 （中文（臺灣））.

6.吳嵩山. 《雲林別記》馬福龍 產婦與嬰兒的守護神. 《中國時報》. 2003-08-07 （中文（臺灣））.

7.吳淑玲. 虎尾若瑟醫院新大樓擴建完工 聘黃崇濱任新院長 松喬 畢耀遠神父 獲永久居留證. 《聯合報》. 2002-07-19 （中文（臺灣））.

8.王志弘、魯永明. 虎尾若瑟醫院創辦人 松喬神父病逝 享壽91. 《聯合報》. 2007-10-05 （中文（臺灣））.

9.蔡維斌. 松喬神父告別彌撒 阿妹獻唱. 《聯合報》. 2007-10-14 （中文（臺灣））.