Son Yakop foksi
Son Yakop foksi (孫雅各牧師)
[mikawit | o yin-se-ma no pisinanot]Son Yakop (Inkiris: James Ira Dickson, 1900 miheca 2 folad 23 romi’ad – 1967 miheca 6 folad 15 romi’ad[1]) foksi, masofoc i Katimol Dakota no Amilika, Kristokiw Ciwlo kiwkay a Singkiwsi, o fa’inay ni Sun Lilian (Lillian R. Dickson) patirengay to Kristokiw sapaloma lekapot tamdaw, tayni Taywan mala mikotayay ’a’isidan no Tamkang Congkako, Taywan sinkakoyin ato Taywan Kristo Ciwlo kiwkay Seisho kakoyin a ’a’isidan, misarocor ko faloco’ saki yincumin no Taywan sinkiw ato kiwiko a tayal. I 1967 miheca ona ciadada a mapatay, matadem i Taywan sinkakoyin[2].
Kasofocan (生平)
[mikawit | o yin-se-ma no pisinanot]I 1927 miheca misawad nai sinkakoyin no Princeton daykako. Toya miheca, mararamod aci Sun Lilian (Lillian R. Dickson), o nikafiyol makahid to saka tayra i roma kitakit ko mitiliday, mihayda to pitahidang no Canada Ciwlokiwkay, tayra i Taywan misinting, saka 10 folad tahini i Taywan. Mala mitomaliw to ’a’isidan no Tanciang congsie, Taypi singkakoyin (aniniay Taywan sinkakoyin) a yinciw.
1940 miheca, tona saka 2 kalaloodan no hekal, mapenec no Dipong ko Taywan sotofo, ci Son Yakop aci Son lilien miliyas to Taywan, tayra i katimol Amilika nikowanan no Inkiris a Guyana mitingto.
I 1945 miheca, paherek ko kalalood no Taypinyang, patiko tayni Taywan ci Son Yakop.
I 1948 miheca, padoedo cingra malayinciw no Taywan sinkakoyin, tangasa 1965 miheca misawad. O pikerid ningra to demak no pitilidan, o nai Taypisi Suanglien malinah tayra aniniay lotok no Yangmingsan. Roma, itira cingra i ’amisay no Taywan padama to kapah no kiwkay mifalicay onto (fa’elohay tamdaw onto), micikeroh to pipatenak i yincumin no Taywan, patireng to 385 kiwkay ato micikeroh sapipatireng to Yusan sinkakoyin.
Roma no pisinting, ci Son Yakop itira i 1947 miheca tayra i Sanghai mitahidang to takaraway wiyinhuy no MCC miocor to isingan tayni Taywan patado lotokay a yincumin, oya MCC i saka 2 miheca maocor ko papinapina ising ato kangkofo masakapot MCC santi mililisay isingan tayni Taywan, malakapot to ni Son lilien itini pasawali ato pasaetip no Taywan lotokan to isingan ato padamaay tayal[3]. Rama mararid cingra pakayni Taywan Kristo ciwlo kiwkay a kinaira, padama to fafahi ci Son lilienan to saki syakay sakalemed tayal i Taywan[4][5].
I 1967 miheca, ciadada ci Son Yakop to pona’ adada a mapatay, matadem i Taywan sinkakoyin. Midotoc ci Son lilien to naikoran ningra, saka tosa miheca patireng to matodohay ceka roma kitakit sintokay, sa’ayaway maocor ko yincumin no Taywan tayra i Sarawak no Malaysia mipatenak to ratoh[6][7].
Pinengnengan (參考)
[mikawit | o yin-se-ma no pisinanot]1.蘇光洋. 孫雅各牧師 事略、重要年譜. 《孫雅各牧師紀念專集》. 1978 [2017-02-12]. （原始內容存檔於2017-02-13） （中文（臺灣））.
2.許雪姬，<臺灣歷史辭典>，遠流出版社，2003，頁635。
3.李貞德.從師母到女宣─孫理蓮在戰後臺灣的醫療傳道經驗[失效連結]新史學16卷2期.2005年6月.頁113.
4.蘇文魁，孫雅各和孫理蓮 （頁面存檔備份，存於網際網路檔案館），2020-07-10。
5.鄭維棕.楊淑清，<一百萬封情書:美國奶奶孫理蓮的深情人生>，啟示出版，2019。
6.何毓芬. 一位原民牧者的負擔 帶動布農族教會海外宣教. 《基督教論壇報》. 2015-09-08 [2015-09-28]. （原始內容存檔於2015-09-29） （中文（臺灣））.
7.Marilyn Dickson Tank，<Lillian Dickson's South Seas Story >，The Mustard Seed Inc，1986。