Siao Yuming siwni

Siao Yuming siwni (蕭玉鳴修女)

Siao Yuming siwni (Inkiris: Matilde Sansolis Serneo, 1934 miheca 1 folad 26 romi’ad – 2012 miheca 2 folad 8 romi’ad), o Iloilo no Philippines a tamdaw, ono Tinsokiw Renai dinto siwnikay a siwni, o nai Posong Senmo isingan rafas no 20 mihecaan, masowal to “Tankaw siwni” hananay ko pitahidang. Tadamaana to saki inakaay niyaro’ to todong isingan a tayal, i saka 12 rekad mapakaolah to isingan a kompay.

Kasofocan (生平)

Itini i Iloilo a niyaro’ no Philippines ko kasofocan, 19 ko mihecaan mikapot to Renai dintokiw siwnikay, I 1959 mihecaan misawad nai Sen Tomas (University of Saint Thomas) daykako, itira i nipatirengan a isingan 1 miheca ko tayal itira[1].

I 1966 miheca, sa’ayaw ni Siao Yuming siwni itira i Tinmo Lote (Lourdes) no Yangmingsan nikowanan midipot to malafelay a wawa ko tayal, tayra i Shipai Censin isingan mipadang to ma’epiay wawa miyatayat to tireng. I 1967 miheca, pakamay to itiraay i Toucheng no Yilan a Sen Fangci (Saint Francisco) padipotan, midipot to mato’asay, ikor itira Taypi, Toucheng ko kacacoaliw no tayal. I974 miheca minokay tayra i Philippines minanam to Suse no kangkoho, ikor no 2 miheca patikol tayni Taywan[2].

Ikor nipatirengan no Tinsokiw a isingan i Lucao no Ciayi caay kaedeng ko tamdaw, malikelon ci Siao Yuming siwni mipadang to 2 miheca, midipot to adadaay mato’asay[2]. Itiyaay a Lucao Sencia isingan itiraay inka caay ka kilim, oya sa ci Cao Cinming a siwsi adahay ko mitayalan ningra[3].  

I 1989 miheca, ci Siao Yuming siwni micada to no kankoho i Senmo isingan no Posong, caay ka edeng ko tamdaw no ising itiya, 55 ko mihecaan ningra itiya rarid sa masaromio’ad to 24 widian, maledefay to “polongan midipot” [4]. Onini a isingan o nano Ireland Senmo isingan ditokay a siwni ca Ke Shuxian, Su Yunfang i 1961 miheca nipatirengan, sarakat o aitira i laedan no Pintong Posong a niyaro’ to Ansuo niyaro’ no yincumin, miraay to Posong cecay ira ko pankiw no widi ko sarakat no paliding[5].

Oya ci Siao Yuming siwni to ko citodongay to dademaken, misongila’ to laloma’an no ising, citodong to kankoho, mipakaen to adadaay, misisit to tatirengan, sarocod sa ko demak, mitira to ko pilongoc to kapot, ano masapinang to caayay ka tatodong i, tangasa i kalahecian.

O pangangan no matayalay i Senmo isingan no Posong ci Siao Yuming siwnian i o “o imeng no kafoti’an no adadaay”, “o imeng no tilid no adadaay”, “micinatay siwni”. O sowal no matayalay, itiya ho, ano ira ho mirakarak ci Siao Yuming siwni i kafoti’an no adadaay, matirtir to ko matayalay kangkoho, nawhani matiya iraay i aikor cingra, misolap to tayal no kangkoho midipotay to adadaay, o tilidan no adadaay masongila’ay matilid; o sowal no matayalay ci Su Siulian, mikihar ci Siao Yuming siwni ka nga’ay no adadaay, to dafadafak miliso’ to adadaay, cikappa ko matayalay pangingoy to adadaay, mihapinang to kasanak no adadaay, mapaoning ko kafati’an i, raheked to ci Siao Yuming siwni[2].

Mala pililiwan no Taypi Manila kadademakan no Posong ci Siao Yuming siwni, pidatado to matayalay no Philippines a mikadafoay at omatayalay. Tona pakalitemoh ko mitakaway micomod marepet no imeng, patelacay matayalay a mirepet i, marawraw ko Philippines tamdaw i, mili’ayaw aca ci Siao Yuming siwni a tayra[2].

I 2002 miheca, mapalowad no isingan ci Siao Yuming siwni pangangan mikihatiya to saka 12 rekad pacakat isingan a kompay, nika mana’ay cingra, pasowalen no kapot o sakanga’ay no isingan koni, hadidi sa mihai[4]. Maraod sato ko pilayapan to pilitemoh no congtong ci Siao Yuming siwni i, pasowal sa: “Pafelien kako to payso, mana’ay kako to kompay.” Nanay pakayni masalof ko kacango’otan no isingan to payso[4][5][6].

Pasowal han ningra ko paratohay: “Alatek halipaysoay to kiso”, “Miliyangay kako to Kawas to pidipot to pakosiya a tamdaw…”[2]. Saka 2 miheca, onini a isingan caay pakafilo to hatiniay a kalaom no cango’ot, paherek sato koya tadamaanay a pasofocan a isingan[5]. Toya mihecaan o satadacaayay to a mihecaan, ko Senmo isingan no Posong, dengan to ca Si Saowei tatosa[7].

O sapipa’oripaw to dafong no Senmo isingan no Posong, ci Siao Yuming siwni mahirateng misanga’ to Tankaw palilam to adadaay tamdaw, orasaka sapitanamaw micikeroh to “Mitolonay siwni a tankaw”, o cecay no tankaw 600 ko payso[6]. ’Ayaw no pisanga’ i, mitolon ho cingra to sakanga’ay rihaday no komaenay a tamdaw[4]. Masadak ko ratoh tonini i, oya tankaw nao mo’etepay ho i, macakat to 200 ko mi’acaay, nika caay topakafilo to sakidemak a misanga’, mitahidang cingra to mipadangay no isingan, laloma’an, patado sa ko kaemangay pasela’ ko tamdaw a mipadang misanga’, mapapadapadang maaqisal to tayal[6].   

Ngengen han no kapot matayal i isingan ci Siao Yuming siwni a o “Tankaw siwni”, minengneng ko kalacaan no tosor ato miwilet to ko kamay mimoric to ’emi, pacekil ko ’alomanay a tamdamdaw, oya nihadidian to pinapina 10 miheca, pacakat to tiring to saka nga’ayaw pidoedoan no Taywan tamdaw nasa[4].       

2012 miheca 2 folad 8 romi’ad, ci Siao Yuming siwni ci adada to congfong itira i Yilan a mapatay, mapanokay ko ’afo tayra i Philippines[4].

Pakayraan minengneng (參考來源)

1.檔案 蕭玉鳴. 《民生報》. 2002-04-20 （中文（臺灣））.

2.薛桂文. 第12屆醫療奉獻獎 個人獎得主素描 蕭玉鳴 ‘黏巴達’修女 ‘愛錢’不愛獎. 《民生報》. 2002-04-20 （中文（臺灣））.

3.薛桂文. 溫暖的依靠 第十六屆醫療奉獻獎得主素描系列之七 晁金名 貧病人家的庇護者. 《民生報》. 2006-03-21 （中文（臺灣））.

4.張嘉慧. 活著為別人！　蛋糕修女回天家. 《基督教今日報》. 2012-02-24 [2019-12-06]. （原始內容存檔於2020-08-08） （中文（臺灣））.

5.施鴻基. 醫療奉獻獎 台東聖母醫院 「信心是信仰」 修女們「傻」得可愛 只求服務 不計較回饋 在安寧病房中 為病患圓夢. 《聯合報》. 2008-06-20 （中文（臺灣））.

6.邵惠琴. 修女祈福蛋糕 貼補窮醫院. 《中國時報》. 2007-12-07 （中文（臺灣））.

7.羅紹平. 施少偉大愛 民眾要趕來送別 守護東部醫療 病逝前仍堅持看診 多人在網路留言感念 聖母醫院明辦公祭 工作人員摺紙鶴相送. 《聯合報》. 2008-12-05 （中文（臺灣））.