Samaanen milekakawa “Misatatad to Taywan”?

Samaanen milekakawa “Misatatad to Taywan”? (如何定義「台灣獨立」？)

“No toic ngiha kowaping calay” paini to salongoc no Taywan, Taywan ato Congko sifo saki “misatatad” a salicylic pisapinangan, saka I’ayawen ko sakafana’ to saca’of:

I likisi no Taywan ato aniniay pangangan (台灣在歷史上和現今的名稱)

Sa’ayaway maro’ay finawlan o nisowal a “Yincumin” finacadan, o tato’asan nangra pinapinaay to ko patekan no miheca ma’orip tonini a kanatal. I 17 sician, o Netherlan tamdaw ato Spain tamdaw micalap to alongan sa’etal no Taywan. O Europe tamdaw pako “Formosa” saan ko pitahidang to Taywan itiya.

Mancin i 1684 miheca pala no Fujian sakowan ko Taywan, tangasa i 1885 miheca pala o cecayay to sa’etal no Congko demakan ko Taywan. Mapidah ko Congko i saki Jiawu laloodan, o Macin i 1895 miheca mapakelac ko Dipong to Taywan, nicalapan no Dipong itiya.  

I 1945 miheca paherek ko saka 2 kalaloodan no hekal, mapatodong ko Conghua minko sifo ko Taywan. Ikor malalood ko laloma’an no kitakit, o Congko kongcantang mipidahay to sofitay no KMT, nanoya i 1949 miheca laliwan no Komin sifo a tayni Taywan, ikor masiday ko Conghua minko a kacingangan.

Ci Mao Zedong itira i Congko patireng to Conghua renmin sakapot sifo, mihapiw o dayhiw no Congko (halo Taywan) dengan marecokay sifo, ato midotocay to salongoc no Conghua minko.

Paenarar i kasakitakit a Taywan (台灣的國際地位)

Ikor no pinapina mo’etep mihecaan, itiniay i Taypi a Conghua minko sifo mihapiw to o tada cisalongocay to Congko a sifo saan. nika i 1971 miheca, Linhoko mihayda milayap to Conghua renmin lekapot o dengan dayhiw no Congko, oya Conghua minko sifo sa’icel sa to “ caay ko mamalatosa” ko pakayraan saan a miliyas to Linhoko.

Ikor to, o kasakitakit ala patiretireng sa to Congko no sakipapotal kakiharan, makaketon to Taypi. Tahamatini ira ho ko 12 kasacofelan kitakit to Taywan, saheto katimolay Taypinyang ato Caribbean riyar a kanatal kitakit, tinako Tuvalu, Belize.

Masamatira, o ’alomanay Europ a kitakit ira ko kasasikihar to caayay ko no sifo a kaainian, mihayda to passport no Taywan (ROC), saka o Taywan ato nia kitakit ira i tadamanay maci patireng to kadademakan no Tarokos a citodongay Dayhiw. O finawlan no Taywan micomod to ’alomanay kitakit caay pitoki to fica.

O Amilika nai 1979 miheca makaketon ko kasakihar to Taywan, nika midotoc to sarikec padamso to todong no sapidama. Midotoc to no Washington “cecay ko Congko” a telek, o Amilika to saki salongoc no Taywan awaay ko pali’ayaw no kaitiraan.

Saka caay pisawad ko Congko sapiloodaw to Taywan to sapi’emet. Ono Beijing pasi Taywan ko pasadak to matiyaay no Hongkong to “Cecay kitakit tosa ko sakowan” a todong, mitelek paini to satakaraway a niyah pikowan. Nika awaay ko cecay a kasarekad ko micokeray tonini a todong.

O pisolap to finawlan no Taywan i, no Taywan tamdaw mangalay oyanan to ko kasasikihar ’alomanay finawlan.

Doedoen ko no Congko a sowal, i 1971 miheca mihayda ko Linhoko saka 2758 haw a nitelakan pasowal o Conghua renmin kapolongan o cecay matatodongay sifo a Congko saan, o nian ko pikotay no Beijing to Taypi itira i Linhoko kaitiraan no Congko, o saka saan i sarikec no kasakitakit mihai t oTaywan ono Congko.

O papotalay kakeridan no Congko: 2758 haw nitelakan awaay ko kaoratan, o papotalay kakeridan no Taywan: o papaterep to sapiorat to kasakitakit saan.

Taypi sifo miliyang o caay ho ka patireng konini, nawhani nitelekan awaay masowal ko Taywan ato salongoc a todong.

O Masatataday to kitakit ko Taywan? (台灣已經是一個獨立國家了嗎？)

Pakoniyah sa ko finawlan no Taywan misinkiw to kakeridan tamdaw, ira ko piemet no Taywan a sifo to nitelekan a sofal, ira ko no niyah a sofitay, payso ato passport. Talacowa caay ka sangila’ ko pihayda no ’alomanay kitakit, nika so’elin ko piraoy to misatekeday a kaitiraan.

Sowal sa ko sifo no Taywan, o cecay cikowanay kitakit ko Conghua minko, awaay ko todong no Beijing. O roma sato, ona caay ho pikowan ko Congko to Taywan, saka awaay ko tatodong mihidefong to pisingkiw no Taywan to kakeridan tamdaw.

Falicen ko ngangan Taywan nikapolongan kitakit han? (更名台灣共和國？)

Ano haenen caay ko rahodayay, ano caay pihayda ko Lifayin misalof to kimpo, ta midemak to polong no finawlan kapolongan pitopa, caay ko ni Lai Cingde congtong rahodayay a pihapiw manga’ayto.

Pisalof to kimpo itini i Lifayin salongan sepat malitoloay ko Lifawiyin micokeray ta mahayda. Oya citodongay mikowan a Mincintang ato papotalay Komintang itini i Lifayin a ngangan a tamdaw mato malalenay.

Nai 2016 mihecaan padoedo mikowan a Mincintang awaay ko sapicikerohaw to sapifalic to kimpo. Oya papotalay Komintang masamawmaw miliyang to sapifalicaw to ngangan.

Masamaan ko sowal ko congtong no Taywan? (台灣總統如何說？)

I’ayaw to piapina miheca ’ayaw no pisingkiw to congtong ni Lai Cingde i mato o mamilaheci to “Misatatad to Taywan a matayalay” kako sanay ningra, o “Micikcikay tamdaw” saan ko Beijing i cingraan. Sacisowal sa ci Lai Cingde, o niyah harateng i, o Taywan haw i o cecay misatatadan a kitakit, orasaka mimaan ho mihapiw misatatad.

Na macakat i 2024 mihecaan i, kinapinapina paini ci Lai Cingde, o Conghua minko ato Conghua renmin nikapolongan “caay ka sasi niraay”, sacisowal sa ko Beijing, onini to paratatenga ningra to Congko ato Taywan o masasitataday kitakit, orasaka oninian ko sapicikeroh to Misatatad to Taywan sanay a sowalan.

Ira ko pidoedoan rikec sapifo’ot no Congko to Misatatad no Taywan haw? (中國有法理途徑阻止台灣獨立嗎？)

I 2005 miheca 3 folad, Congko laovcan mihayda to “Miliyang micikcik to kitakit a rikec”, o patodong no Congko to i Taywanay “micikcikay to kitakit” ano eca “palasawaday to saka lekapot a todong” saki Taywan o papakayni i lalood no sofitay a demak ko pidoedoan no rikec, nika onini a rikec o madodemay, awaay ko padamso to o sasamaanen.

Reuters（路透社）

DW kowaping ira i Instagram, manga’ay mikilim i dw. chinese, misatalolong masapinang ko cuka ato piparatoh.

© 2025 miheca Germany laciw (ngiha) salongoc paini: onini laloma’ ni sowalan ira ko sadama to mitiliday salongoc, ano awaay ko nano patodong no Germany laciw (ngiha), tatiih midemak. Maanan caayay ka tatodong o mamilitadah, citodong to rikec a satefoc.