Romi’adan no cikiw i hekal

nani… a masadak Wikipedia

Romi’adan no cikiw i hekal (ikilis: Earth Day) pasetek to mihecahecaan 4 folad 22 romi’ad,

o kalonohekalan to pidipot to pala a demak. Sa’ayaway demak romi’ad no cikiw i 1970 miheca i Amilika a pitilidan mapalowad kina pidipot to pala a onto,

1990 miheca onini a demak nai Amilika pasayra i hekal, malakapolongan no midipotay to pala no hekal a romi’adan ato pisintingan pidipot to pala a romi’ad, toni a romi’ad kasasiromaroma no kitakit a tamdaw kasasiroma a pisinting ato sapilaheciaw to pidipot to pala a nihiratengan.

Nipitekaan ato pitomadawan 起源與發展[mikawit | o yin-se-ma no pisinanot]

Sarakatay a romi’ad no cikiw misimsim itiya i pisatapangan no kacanglahan, onini a romi’ad o kasofocan no cikiw, itiya mapatedi no likat ko Notimolan ’Apocok ato No’amisan ’Apocok, tatodong a kalalenan no hekal, nanoya pahapinang to tamdamdaw wa’ecikaw ho ko kalaliyaliyangan ato caay kalecad, masasinga’ay ma’orip. Noto’asan adihay ko kitakit malipahak i pisatapangan no kacanglahan mipafilong. ‘Ayaway no Linhoko itira i satapangan no canglahan pasaopo to romi’ad no cikiw demak.

1969 miheca fafa'eday pikaikian Mincotang Kaylote Nilson no Amilika i kakoTaykako no Amilika mipapelo, milingato i roma miheca saka 4 folad 22 romi’ad mipasaopo miliyang to kalalood i Yinan ko patosokan pitilidan a onto, nakawrira i 1969 miheca i Siato pasaopo lomaoc, mikihatiyaay tina saopo a tamdaw, o sito no Hafo Taykako ci Tanis Hais paini tonini a onto kao kapolongan no Amilika, o sapidipot to pala ko patosokan ninaonto saan. 1970 miheca saka 4 folad 22 romi’ad i kasaniyaro’ no Amilika mata’elif ko 2000 ’ofad no tamdaw ko mikihatiyaay to ni a sapidipot to pala a onto, itini to na onto malaheci i mihecahecaan to saka 4 folad 22 romi’ad o sapidipot to pala a mileko, i Amilika a romi’ad no cikiw sanay a ngangan midotoc i pisatapangan no kacanglahan malalinah tayra to i saka 4 folad 22 romi’ad, romi’ad no cikiw patosok i sapidipot to pala a onto.

Aniniay tamdaw kai 1970 miheca 4 folad 22 romi’ad nai Amilika saka 1 liyad to romi’ad no cikiw a demak o sarakatay no hekal masaopo no ’alomanay to sakipidipot to pala a onto, toni a onto malengat ko tamdaw to sakianiniay sapitomadaw midipot to pala, palowad to macakatay kitakit to sapidipot to pala patireng to rikec, orasaka mapalowad i 1972 miheca Linhoko saka cecay natamdawan a pala kalomaoc. Itiya 1970 miheca a demak pasakapotay ci Tanis Hais mapangangan no tamdaw o romi’ad no cikiw a mama ahan.

Nawhani mapalowad i salaloma’an no hekal ko pidipot to pala a onto, 1990 miheca saka 20 liyad romi’ad no cikiw a citodongay to nidemak a pasakapotay nanay mapalowaday i laloma’ no Amilika pasipapotal macowat i hekal, itiya cangra patilid to Cungko, Amilika, inkilis toloay a kakeridan tamdaw ato Linhoko a Mipadangay to kakomodan, paini cangraan to dademaken, kasasiket to pakayniay to pidipot to pala a kasasitatelak, masasidama to sakacaaw kalatiih ko palapala; itiya o romi’ad no cikiw a pasakapotay paini to i hekalay mihayda misa’icel palowad to midipotay to pala a sifo i 1990 miheca 4 folad 22 romi’ad makerih to finawlan to midipotay to pala a onto.

Midipotay to pala a demak palowaday malayapto no Asiya karopaw, Afelika karopaw, Amilika karopaw, Yolop karopaw adihayay kitakit ato kalokitakit a cefang mikihatiya, ikor i 1990 miheca 4 folad 22 romi’ad polong no hekal to 140 kitakit mata’elifay ko 2 Yoko ko tamdaw to mikihatiyaay tini demak. Nai romi’adan no cikiw i hekal malakapolongan no hekal to midipotay to pala a onto.

Fayafay no cikiw 地球之旗[mikawit | o yin-se-ma no pisinanot]

Fayafay no cikiw a tilid o Apolo 17 haw nisyasingan “Langdaway a odo’” a saying mateli i talolongay langdaway ko faku, o nai ni Yohani Maykenil i 1969 miheca sarakatay liyad a romi’adan no cikiw i hekal a demak nisafacoan, anini onini a fayafay o no midipotay to pala onto a salong.

Romi’adan no cikiw a pinangan 地球日標誌[mikawit | o yin-se-ma no pisinanot]

Romi’adan no cikiw a pinangan o fohecalay ko faku a kangdaway no Koris a tilid Θ: Θ

Kining 紀念[mikawit | o yin-se-ma no pisinanot]

2016 miheca 4 folad 22 romi’ad, i Google a saka cecay felih ira ko lima masasiromaay pinangan, pihiratengan to romi’adan no cikiw. [1]

2020 miheca 4 folad 22 romi’ad, i Google a saka cecay felih no ’odal kasasilamo a salama, pihiratengan to romi’adan no cikiw to 50 mihecaan..

pikafitan tahapinangan 相關連結[mikawit | o yin-se-ma no pisinanot]

2016年4月22日,Google首頁有五種不同版本標誌,以慶祝地球日。[1]

2020年4月22日,Google首頁推出蜜蜂授粉遊戲,以慶祝地球日屆滿50週年紀念。

Pinengnengan 參見[mikawit | o yin-se-ma no pisinanot]

1.Fayafay no Linhoko.

2.Fayafay no lamal.

1.聯合國旗

2.火星旗

Pinengnengan a tilid 參考文獻[mikawit | o yin-se-ma no pisinanot]

1.2016 romi’adan no cikiw i hekal, i Google a saka cecay felih kinaira no pala faco pinaay ko malitemohay a salifet no palapalaan? PanSci 2016-04-22 [2017-03-09] (Taywan)

1.2016世界地球日,google首頁的那些生態系面臨了哪些環境挑戰呢?. PanSci 泛科學. 2016-04-22 [2017-03-09] (中文(臺灣))