Piharatengan ci Kan Wilin foksi to patay i semo’ot mihecaan
Piharatengan ci Kan Wilin foksi to patay i semo’ot mihecaan (甘為霖牧師逝世一百週年紀念)
[mikawit | o yin-se-ma no pisinanot]Anini oni Kan Wilin foksi (Rev. William Campbell, 1841 miheca 4 folad 11 romi’ad – 1921 miheca 9 folad 7 romi’ad) piharatengan to patay i semo’ot mihecaan romi’ad, I 1921 miheca 9 folad 7 romi’ad itira i Inkiris mapatay, 80 mihecaan ko ’orip i hekal.
Itini i Glasgow, Scotland no Inkiris ko sofoc ni Kan Wilin, o foksi no ciwlo kiwkay, patelocan no 19 sici i satimolan no Taywan mipatenak. I 1871 miheca 12 folad 20 romi’ad – 1878 miheca 11 folad 25 romi’ad, o kinacecay ningra i Taywan mipatenak, o Mancin ko micalapay to saetip no Taywan itiya. 1873 miheca 3 folad, pakatamina no Norway kopang tamina Tafeni (Daphne) nai Anpin minato masdak, milakowit to katimol no Taywan (Eluanbi), mililis to sekal tala’amis tayra i Tansui miliso’ ci Makay hakasian.
Miliso’ cingra to Wokokeng kiway ato Manka kiwkay, ta keriden ni Makay romakat pasitimol, nai Tansui, Congli, Cuocian (Sincu), Sinkang. Nai Sinkang, malaliyas ci Kan Wilian foksi aci Makay hakasi, patiko ci Makay tala’amis i Tansui, padoedo ci Kan Wilian pasitimol, miliso’ to Neise, Tase, ato Puli kakokiwkay, tayra cingra i Suise fanaw (Rìyutan), miliso’ to Suipo 4 sangasaw (Suise, Huolan, Peiku, aao Touse), o piliso’ to katimolay kiwkay pahicera minokay i Taynan niyaro’.
O pikomod ni Kan Wilian foksi to mapohaway no Taywan salongan 17,000 ko tamdaw saan, oni mapohaway tamdaw saheto o miki’a’amay ano eca mi’edaway ko saka’orip, ira ko papina o maomahay. Manengneng ningra ko kafades to sakaci’oripaw no mapohaway tamdaw, orasaka miketon cingra to sapadang mifalic kacakat no ka’orip no mapohaway tamdaw.
I 1887 miheca, o pacena’ ni Kan Wilian foksi minokay tayra Inkiris i, pasi Glasgow kiwkay a miayi ta 500 Inkiris a payso, nanoya mirina’ to tilid sakimapohaway a pinanaman tilid. 1889 miheca patikol tayni Taywan, itiya misitapang to nihalakaan patireng to pitilidan no mapohaway. I 1891 miheca 10 folad, micaliw to Hongkongcí i Taynan, 5 miheca ko romi’ad, patireng sakacecay pitilidan no mapohaway, orasaka masowal cingra o patirengay to pikiwikoan to mapohaway tamdaw saan.
Kaitini ningra i Taywan nai 1871 miheca tangasa 1917 miheca, ira ko 46 mihecaan. Nano nga’ay no nidemakan ningra, mapatamohong no Dipong sifo to Suricang ato Ruipaocang, mapatireng no Knox sinkakoyin no Inkiris to hakasi kacingangan.