Pangiha a tilid-Yincienhuy

Pangiha a tilid-Yincienhuy (聲明稿-原權會)

Pakowad to patokoan a siciaan no yincumin - mipa’es to nikapolongan a ngiha sapiliyang to Congko midawa to Taywan.

I pisi’ayaw to caayayho a kafokafok sakowan no Taywan i, caay kanga’ay no Yincuminco a misatalimaan. Tona fedfedan no ka’aloman no sician, mapatalaw ko nikapolongan kakawa, malasakatayal no sician kasarekad ko Lipoiing no Yincumin itiya, o mamiliyaw mi’afas patireng kami to sakifinacadan  a sician sapangiha salongoc.

Malapowin ko kasafinacadan dayhiw no sician a kasarekad (從族群代表淪為政黨棋子)

Ira ko aenemay patodongan a Lipoiing i laocan no kitakit o a itini kasasiroma masasifeday Taywn a finacadan no yincumin to “paecasan” a sacecayay patokoan a siciaan, o sakalacecayaw pngiha itini no Payrangan sician to sapangiha a salongoc. Nika “o dayhiw no finacadan ko kacitodong a iing no yincuminco i laocan” han i caay aca pilaheci tonini, matiniay a paecasan a sician ahan malapowin aca. O mamiliyang to sakaeca ka palangarifan no mita’o’ay, matini sato o mita’o’ay a kasarekad ko mikadotay to kinaira, mapalit to ko sakacowat no finacadan.

Itini miheca saka 4 foladan masapinang ko tinako, malitosaay a lipoiing no yincumin mikotod ci Fu Kunqian tayra i Congko miliso’ ci Wang Huningan. O siikoray to nikapolongan no Taywan a pinangan koni, mangalef o pakangodoay to patoko a siciaan no yincuminco. O cipatokoay no finacadan ko fayfay, palosida’ to misatekeday sakowan, mihakenoay to nikapolongan telek, masasilecad to kalalood, matiniay o caayay pilaheci to niyah a pikowan, mangalef ko pisiikor to sakalekapotaw no yincuminc.

Miasimaanay to katatelek, masakasak aca ko nikapolongan (制度被濫用，民主遭踐踏)

Nanoya misarocod i mafolaay sapico’ayaw palowad to lipoiing, pahapinangay to misatekeday sakowan a pinangan. Tona mimangahan ngangan no tao to pilingangan mipalowad to mifolaay demak, misi’ayaw aca to kaciraraw ko yincuminco a tamdaw i, manengneng ko kasakasak salongoc no tamdawan no finacadan ita, ato pakayniay sician a demak ko pisamsam to finacadan.

Caay ko talingafoh sanay a demak ko nian, oya tadamanay sician sinalit a mato: tona o cecay a kasarekad “masasipainiay” to nisatekeday a congkong a pakinali, misatapang i laloma’an no Taywan  midemak to “misatekeday pikowan” a kasasipaini minanam i, manengneng no mita ko nikapolongan a malahorac to.

Micoker to pipalasawad, midama to nikapolongan a sakowan (支持大罷免，捍衛民主憲政)

Misa’ayaw to mirawraway to sakowan i laocan, micoker kami to palowad no finawlan a mipalsawaday a demak. caay ko pilala’is no kasarekad, o sapidamaaw to nikapolongan a lakakawa. Tona langdaway kahecalay a tosaay kasarekad pakayni i nisingkiwan lekakawa, o “mangahay ka’aloman” mi’epiay to laocan, mikari’ang to pakayraan no kimpo i, o pipalasawad ko saikoray sapipatolas a sakadademak no finawlan.

Mi’ang’ang kami o finawlan, akaa ka “no finacadan ko harateng” mifalod a micoker to misiikoray to nikapolongan, milecad to milefoay o “finacadan a dayhiw” ya sanay. So’elinay  patokoan no yincuminco, caay ko miringiay to sowal ato ’icel no tao, oya itiniay i nikapolongan a rikec ko sapilongoc to sakacisapakonara ato sakacitari’ang.

Patirengen ko patokoan sici a demak ko pi’ang’ang (重建政治主體性的行動呼籲)

O pi’ang’ang niyam: (我們鄭重呼籲：)

Ono finacadan a patokoan caay ko pifelih milayap to roma a nisa’icelan harateng ko sapasadak, caay ko sapidapong to saki nikapolongan a ciepocay a mifelih. O yincuminco caay ko i nimaay sician kasarekad a mikapiay, caay ko nanosician a sakadademak. Tona pipalasawad a lakakawa mala sapico’ay no kasarekad a sakatayal, ono yincuminco a mala sapico’ay a sician ko pikihatiya, o tatomireng kami a pasowal to caayay.

O sakatadamaan no pipatireng to paecasan no sakatayal i sician to sapi’emet a sakowan, caayay i midoedoay milayap i masakaminaway ko harateng. O kangalayan oya so’elinay to sakifinacadan a pangiha, midama to kinaira no finawlan, mi’imer to nikapolongan sakaciepoc a dayhiw, caay ko maloyakyakay ano eca nilooday no kasarekad a sakatayal.

Misi’ayaw to tatayni nisatekeday ’adingo, kami ato polong no sakipakoniraay ato tamdawan salongoc misa’icel to kalaceay i finawlan no Taywan. O nikapolongan caay ko nano nipasingkiw a paya ko pipolongan, o sakadamaaw no salongan a tamdaw; caay ko sowal aca ko sapakonira a pihapiw, o so’elinay a nisimawan.   

O ikor no Taywan yincuminco, o mamipatireng i nikapolongan kimpo a mapalamit, caay ko i nisatekedan a mapelengay.

Taywan yincuminco salongoc yofayof.

Taywan yincuminco niyaro’ lekatep.

Taywan yincuminco matayalay lekatep.

Taywan yincumin sacefang.

2025/724