Matsuki Ken'ichiro
Matsuki Ken'ichiro (松木幹一郎)
[mikawit | o yin-se-ma no pisinanot]O mama no dingkian i Taywan-Kapatayan ni Matsuki Ken'ichirō romi’ad (台灣電力之父-松木幹一郎逝世日)
[mikawit | o yin-se-ma no pisinanot]Matsuki Ken'ichirō, o satadamaanay no aniniay no Taywan, ikor no kapatay ningra mapatodong to mama no dingki i Taywan. Masofoc ci Matsuki Ken'ichirō itini i 1872 miheca i Matsuyama no Dipong, o kakeridan no dingkikyoku i Dipong, 1923 miheca ikor no Kantō a lonen, citodong to nicokeray to citodongay to Teito fukkō kenkyūjo.
1919 miheca no finawlan lekapotan mikadom Taywan dingki Kabushikigaisha palowadan Riyutan (Nichigetta) dingki a tayalan, nawhani saka 1 kalaloodan no hekal caay kanga’ay ko kicay, Kanto a lonen mapatararikor ko tayal, tangasa i 1929 miheca miliyaw palowad, saka liyaw no miheca nai ci Matsuki Ken'ichirōromi’ad citodong cingra malaShachō to Taywan dingki Kabushikigaisha, I 1934 miheca malepon ko Riyutan (Nichigetta) dingki a tayalan.
O karorayan Matsuki (松木的困境)
[mikawit | o yin-se-ma no pisinanot]Naikoran no Kanto a lonen i, awaayto ko maamaan i taliyok no Tokyo, halafin ko romi’ad to sapisalofaw a tayal; o pisalofaw mifalic safa’eloh to dingkian no Tokyo, mata’elif ko 5 mihecaan. Oya tadamaanay to pisafa’eloh a matayalay ci Matsuki Ken'ichirōromi’ad, makakahemekan no laocan no kitakit, oya cefang ningra palowad to Teito, oya a ’ayaway no tapang no Taiwan minsei (sakowan), aniniay kakeridan no Tokyo ci Gotō shinpei.
Nika i’ayaw pilahecian palowad to Teito Tōkyō i, mapatay ci Gotō shinpei; oya ci Matsuki Ken'ichirōromi’ad to ko milaheciay to naikoran nafaloco’an, oya Teikoku a micalapay katayalan padoedo micowat. I’ayaw no kapatay ni Gotō shinpei sawal sa: “Tengilaw haw, ikor no patay dengan o payso materekay i o raremay tamdaw, oya misidayay to nitayalan i o tatenokay a tamdaw, oya mipaterekay to aikoray a citodongay, o fafaeday no tamdaw a tamdaw. Mafana’ to?” onianay koya nihawikidan to nano sowal ni Gotō shinpei, micada ci Matsuki Ken'ichirō romi’ad itiya i 1929 miheca to nipipatorodan to kakeridan no Taywan dingki lekapotan mikadom Taywan kacitodong.
Itiyaay a Taywan, caay ho kafangcal ko parana’an pipatireng to kofa, saheto o tefos ato panay a facal ko Ciayi Taynan a dafdaf, sakaitiraan i satimolan patireng parana’an to katayalan ko kaloco’ ni Matsuki Ken'ichirō mato caay ko mamafilo lahecien. Saka o sa’ayaway dademaken ni Matsuki Ken'ichirō a tayni Taywan, oya to halafinay caayay ka laheci a Riyutan (Nichigetta) nanoman dingki a tayal.
O Riyutan (Nichigetta) nanoman dingki a tayal, itini 20 sician polong no sawalian no Asiya o satata’angay nanoman pisadingki a kaysya; o polong no sakatayal a 3000 ’ofadan payso no Dipong, itiraay i mata’elifay to 1000 km ko takaraw patireng tonini a ’acer, misaci’ci’ miala to kafafaway nanom miparo i Riyutan, laeno mipatireng haca to pinapina 3000 km ko kakaya’ a hoso pakayraan no nanom, pacalay i pisadingkian kofa a karomakat no nanom a sakarot maliyon sakacidingki. Caay ko rahodayay konini a tayal o satakaraway sakacowat a tayal konini.
O nga’ayay to haratengen, o sakatayal a kihi payso matongalay, caay karakodayay kina tayal, saki payso ato kicik a karorayan, oya Sotoku no kyoden no Taywan paterep han sato ko pitelek. Malitosaay to ko nitayalan tatiih sawaden, saka milongoc to fa’elohay to payso no Sotoku no kyoden padafoh, dengan to onini ko nihaenan, orasaka patorod hananay to i tadamaanay to sakipacowatay to naikoran no lonen ci Matsuki Ken'ichirō.
Mapadawdaw ko Taywan (點亮台灣)
[mikawit | o yin-se-ma no pisinanot]I 1930 miheca, songila’ sato micada to caayay ko mamalaheci a demak ci Matsuki Ken'ichirō, tayra sato misolap i Riyutan, saka ira to ko pahecian; ano malaheci konini a tayal, ko mata’elif ko 4000 ’ofdan no payso. Itiya, 4000 ’ofad payso no Dipong macalap ko 3% no mihecaan Dipong a kitakit, o caacaay ko mamihayda ko laocan no kitakit, nika nihawikidan Matsuki Ken'ichirō a nipatorodan masamaamaan ko pisa’et karorayan i, o lalahecien konini a tayal sapilaheciaw to pafaloco’an kitakit no Dipong.
Miketon to ci Matsuki Ken'ichirō mikilim to payso, patorod to Sotoku pasadak to roma kitakit a tadahan sakadep, I 1931 miheca roma kitakit a tadahan sakadep paherek pipatala, misatapang matayal itiya. Misatapang misafa’eloh to sapikadih to malali’acaay ci Matsuki Ken'ichirō, ato mafafolod to Kashima pitirengay, malekapot patireng to satata’angay sawalian no Asiya a nanoman sadingkiay.
Maroray ko tayal i pipatirengan itiya, matayalay nikoyakoyan to matono’ay sacokacok, pakafit mitongod to hoso, mipalalan i kasafatad sakanga’ay lalan, katayalan sa cango’ot ko nananomen, saka cimadengaay to lifong makalat no likes. Sasini’adaen ci Matsuki Ken'ichirō to matayalay, patireng to kamaro’an no matayalay i katayalan, pacomod to kakomaenan, pisalamaan; ira ho ko piadahan to masamaanay adada a isingan; o sakaranikay to tayal, patireng to sincya i Riyutan.
I 1934 miheca, mapaherek ko pisadingkian. O tayal nai satapangan, sifo’an paterep ko tayal, ikor mipadoedo ko tayal polong ko romi’ad 15 miheca. “Riyutan saka 1 sadingkian” han ko pangangan tonini sadingkian ni Matsuki Ken'ichirō, satata’akay nisadingkian tangasa 10 ’ofad W ko ’icel, onini a dingki mapatayra i katimol ka’amis no Taywan, katimol tangasa i Takoa, ka’amis tangasa i Taypi, Kilong. Nika caayto kaedeng ko dingki i, patongal to saka 2 lekad no tayal, ikor no 2.5 miheca 1937 miheca “Riyutan saka 2 sadingkian” (aniniay “Mintan sadingkian saka 2 kofo”) malaheci.
Sawalian no Asiya nanoman sadingki itiniay pikantok ni Matsuki Ken'ichirō, misitapang midemak, padafoh no dingki, nai “lamalan ko tapang palolol kono nanom” mafelih o “nanom ko tapang lamal ko palolol” tangasa i 1960 mihecaan. Padafoh ko maedengay ka’emeday dingji, o nian ko todong saawas no sakikatayalan no Taywan.
O mama no dingkian i Taywan (台灣電力之父)
[mikawit | o yin-se-ma no pisinanot]Kaherekan no tayay a patireng to 2 miheca, 1939 miheca, o nika ciadada ni Matsuki Ken'ichirō a mapatay, 67 no mihecaan ningra. Tadamaanay tamdaw, awaayto ko tamdaw, materek k onipatirengan, o niterekan tayalan ni Matsuki Ken'ichirō, mapafaloco’ ko ikoray sakatala’ayaw ikoray no Taywan. Orasaka itiniay i nisanga’an niyaro’ a finawlan ma’ilol cingraan, mapatireng ko sinalit ni Matsuki Ken'ichirō i Riyutan, pangangan sa i cingraan “O mama no dingkian i Taywan”.
Tangasa anini, materek ni Matsuki Ken'ichirō ko Riyutan sadingkian a kofa, oyaan to tadamaanay misadingay no Taywan; miraoy to dingkian toya i, sikolen ko nengneng nisa’icelan no ’ayaway, saka ira no ka’ilol a sakaira nga’ayay saka’orip no mita.