Maraoday to ko 26 miheca no Misatatad to Taywan yofayof a analal

Maraoday to ko 26 miheca no Misatatad to Taywan yofayof a analal (獨台案發生滿26周年！)

Toya miheca misa’osi to Taywan likisi marepet no Tiawcaci a romi’ad. (那些年讀台灣史就會被調查局逮捕的日子-文／政治中心 圖／邱萬興 2017-05-09 21:30)

Itiya i 1991 miheca 5 folad 9 romi’ad toya dafak, Tiawcaci micokeray a kakeridan ci Gao Minghui ko citodongay miocor to dademakay micomod i Tsinghua daykako, mirepet to Tsinghua daykako mikiwkiway mityiliday ci Liao Weicheng; toya a romi’ad, Taywan daykako Syakay kinkiwsi misawaday matayalay ci Chen Zhengran, mikihatiyaay to syakay onto ci Wang Xiuhui ato Tintosi ci Masao Nikar (Lin Yinfo) marepet to; ikor no saka tosa romi’ad, marepet haca pacipatay to kami ci Druluan Cegau (An Zhengguang), saka lalimaay ko marepetay a tamdaw.

Pasowal sa koya Tiawcacan, o pilepet i cangraan i, nawhani o micadaay to padafoh no itiraay i Dipong Misatatad to Taywan a tamdaw ci Shi Mingan, o aitini i Taywan mipacomahad to Misatatad to Taywan a yofayof sakapot. Nika so’elinay, oya 5 marepetay a tamdaw caay ho pidemak to katalawan a demak, oya pisa’osi aca to nitilidan ni Shi Ming a tilid to “Taywan tamdaw 400 miheca a likisi”, o natayraay to i Dipong miliso’ ci Shi Mingan, minokay tayni Taywan i opipadang mirina ato pakilac to sapisintin.

Nika o Tiawcaci a matayalay tamdaw caay ka fana’ to no pitilidan a demak, micomod i Koli Tsinghua Daykako mirepet ci Liao Weichengan, oni marepatay tamdaw o nano pikihatiya mirawraway to laloma’ “Cence Panloanloan sarikec” ato “Singfa” 100 liyad a laloma’ay mirawraw a raraw, o papatayen ko ka ciraraw, caay ko mamangay konini a demak, caay ka dengan o Tsinghua Daykako a mitiliday ko miliyangay, polong no Taywan a kasaDaykako ato cifenekay tamdaw tomireng midemak miliyang to matiniay demak, paratatenga ko ko Tiawcaci a pirepet to tamdaw, tadamaan ko picalap to Kimpo saka pakonira a sowal, nanoya, o sakisician a piliyang mararid a caay pitolas, o sakapalowad marikec to ponkaan a matanengay mapatireng to sapipalasawad to Singfa 100 liyad salongao “100 demak lekapot”.  

Saikoray, ma’awid no syakay ko citodongay, oya marepetay a tamdaw ikor mapalasawad to ko kacirarawan, nanoya, o Lifayin nanoya sa mipalasawad to “Conghua minko Singfa” 100 liyad ato “Cence panloan tiawli”.

Sa’ayaw pirepet no Tiawcaci ci Liao Weicheng a demak, sakalamkam sa ko malasingsiay ato mitiliday no Tsinghua Daykako. Itiya 9 romi’ad kalahokan, o mitiliday no Tsinghua maro’, papelo ato pacipat to paya, patireng ko mitiliday “Liao Weicheng micokeray” itira i pitilidan mirarakat, o kasacefang no mitiliday itira i sacomod no pitilidan miteleng to “Miliyang to picomod no milinikay tayal i pitilidan” sanay a sapiliyang a calay, herek no lahok, Tsinghua daykako malalinah tayra i Simponce, Lifayin, Taypisi Tiacaci miliyang.

I 5 folad 10 romi’ad, mayakyak to konini a demak. Polong no kasaDaykako macowat i pitilidan mipadangay onto, Cense, Taywan hakasi yofayof, Congyang kinkiwyin a kasa mikinkiwan sakapot, mitelak “Mifelih to hitayan picalap to sifo a sakapot” a todong, malekapot to ponkakay tamdaw mapolong miliyang.

I 5 folad 12 romi’ad, “Polong finawlan mifelihay to pisamsam no sician a sakapot” a mitiliday, nanoya micomod tayra i Congcen piharatengan, ira ko mataelifay to 10 tamdaw mikihatiya. Saan, miki’ayaw milaplap ko imeng to fanawlan, pakaka ko piliyang no mitiliday.

Saka tosa romi’ad, mihapiw ko mitiliday no Tsinghua Daykako to sapi “Paterep mitilid”, ira ko 28 Tsinghua Daykako mikihatiya to “Pakoniraay pinanam, awaay ko raraw no harateng” paterep a onto. Nanoya, o lalowadan to no kasaDaykako miliyang mitilid.

I 5 folad 13 romi’ad, o sapipaterepaw to kararawraw no mitiliday i Daykako, micokeray to kakeridan (Cicang) ci Gao Minghui miliyas to kala micokeray to Cecang, nika caay to katakop konini a mifelihay to sifo a fanawlan no Taywan. Caay ka dengan o Taywan Daykako Holic kakoyin ko mipalowaday to sakaeca pitilid, ato kalodemakan, i 5 folad 15 romi’ad, Tsinghua Daykako “Liao Weicheng micokeray” 300 ko tamdaw no mitiliday ato hakasi ato “Polong no kitakit Daykako lekapot” a mitiliday 700, 800 ko tamdaw, syakay kasakapot, i herek no lahok micalap to siyataw no kasoling i Taypi, pasimirarakatay to kamatini no demak to “Palasawad to mirawraway tatiihay a rikec, milongoc pasadaken ko masemsemay, mifelih to pikari’ang no sifo, mingado to pakoniraay sapikingkiw” a 4 sasowalen.  

Ikor i, o mitiliday, hakasi salongan 2000 ko milafinay itira siyataw no Taypi kasoling, milongoc to KMT sifo palasawaden ko Cence Panlowan rikec. O piliyan no mitiliday i siyataw ira ko 5 romi’adan, tangasa i 5 folad 20 romi’ad a paherek.

I 5 folad 16 romi’ad, Lifayin makalah pasadak to sapipalasawad to Cence Panlowan rikec a pa’eses. I 5 folad 17 romi’ad, Lifayin kinatolo mihayda palasawad to dengan pipatay a Cence Panlowan rikec. Nanoya, Tiawcace pasadaken ci Chen Zhengran, Wang Xiuhui, Masao Nikar (Lin Yinfu), Liao Weicheng sasepat a masadak.

I 5 folad 20 romi’ad, oya “Fenekay mifelihay to sifo misemsem a nikapolongan” mikerid to “520” piliyang a demak, pakiharateng sasowalen a mapakonira a patosokan, nai mafenekay, mitiliday onto ato syakay onto mapolong palowad t ofinawlan no Taywan “Mifelih kohecalay katalawan ato sici pisemsem” a ta’angay pirakarak, o mitiliday itira ka’ayaw no Ciencayin a milafin, Congsan nanlo, milongoc to KMT sifo “Hao Baicun katefad”, “Palasawad to Cence Panlowan rikec”, “Misimeday masakak to pitilidan”, ato “Awaay ko raraw pasadaken ko Misatatad to Taywan yofayof a marofoay” sanay.

I 5 folad 22 romi’ad, Congtong ci Lee Teng-hui micering to palasawad to “Cence Panlowan rikec”. Tangasa 1992 miheca 5 folad a “Satefoc 100 liyad” mapalasawad to, itiya so’elin no KMT to sapilepataw to “Mifelihay a kaciraraw” a pakayraan.