Mara ono finaweran tapang Taywan

Mara ono finaweran tapang Taywan 臺灣民主化

Odemak no finaweran ato akat no Taywan：民主化過程

Masamaanay kodemak ato akat to pakaylaay to kala o finaweran tapang Taywan sanay a demak , olanan a demak ato lakat nila i pakaylaay to faloco’ no polong finawloan ato sakapolongan a demak, naitini i ‘ayaw no 1990 a mihecaan a misalingato, nano ‘ayaw nila i, ya o Ciwkoku Komingtang(中國國民黨) ho kocitodongay i, caayay ho ko o nihay a kanatal ko Taywan sanay, nikaolira, odemak to hatiniay i, iraay ko todongay a lakat ato demak nira a pala o nihay to a kanatal ko Taywan sanay, pakayni tora pitool to pala o niya to koninian a kanatal sanay a demak ato tayal i, caay kao lahodayay, ano caay pakayni i no sakapolongan ato polong no finawelan a sakalacicay no faloco’ i, caay ka tangsol saan a malaheci ko hatiniay a demak, nawhani nano ‘ayaw no mihecaheca:an, itini i sakalaylay no likisi no Taywan, caay ka awaay ko hatiniay a demak to pakaylaay to saka ono niya to a kanatal sanay a demak, nano itini i 1949 a mihecaan ami salingato, tahila i paheleken no Conghamingko(中華民國) a malalid a milikec to kanatal i, dodosato ilaay to a masadak ko lomaloma a sa’opo to citodongay a milikec to finaworan a sa’opo.

I’ayaway a demak：首要歷程

Ano ‘alawen nano ‘ayaw to 1895 a mihecaan ko demak ato fodfod to pakaylaay i Taywan i, caay ka^ca iraay to ko sapipalowadaw to saka lakanatalaw no Taywan, nanay malao niyah finaweran tapang to a kanatal ko Taywan sanay a longoc, nikaolira, caayay ka laheci, nawhani caayay ho ka songira’ ama lacicay ko nafaloco’an no polong no finaworan, ano so’linen a somowal i, o longoc to pakaylaay to sakala kanatalaw no Taywan i, alatek o sa’ayaway a misalingato i, naitilaayho i 1910 a mihecaan to ikadipongan ho ami salingato tora Taceng(大正) hananay, o longoc no finaweran itiya i, nanay mikilecad to Dipong(日本) a mikihatiya ami likec to kanatal o sanay, ato pipalowad to sapilikec to kanatal a sa’opo, nikaolira caayay ka pihai kola Dipong(日本), ano hatilatila caay ka pitolas ami longoc to saka lacecayaw amidemak to sa’opo to tayal topakaylaay i polong finaworan, tangasa sato 1935 a mihecaan, iraay to ko sa’ayaway a pisasingkiw hananay a demak. Dodosato ilato koya holam a tayni i Taywan, tola Congwhamingko(中華民國) hananay tamdaw ami likec to hekal, hato ilato ko kanga’ay ami kihatiya ama tayal to sa’opo, nikaolira caay ka matiya to ononiya to a kanatal sanay demak, sanaw likol sato ilahaca kola sakalowlow no hekal tola 228 hananay a demakan, likol sato tadacaay sato koka pilikec nangal to hekal, sanaw adihay sato koka lalawlaw no hekal, ora Racen a lawlaw(雷震事件), Congli a lawlaw(中壢事件), Cawto a lawlaw(橋頭事件), Militaw a lawlaw(美麗島事件), ato ola tangway hananay a demmak no hekal, likor sato iraay to ko pipaca’of no safo to longoc no finaworan, tangasa to i 1990 a mihecaan itiya sato a dodosanay a o niyah finaweran tapang to a kanatal sanay a longoc, itiyaay to a so’lin a caay to ka o^dengan to cecayay a tang aca komi likecay to hekkal, iraay to koloma a sa’opo ami kihatiya ami likec to hekal kanatal.

O sakahatini no Taywan a o niyah finaweran tapng to ko citodongay a kanatal sanay a faloco ato demak i, o tadamaanay a tayal tosapilikec to hekal ato kanatal, o naitiniay i 1990 a mihecaan ami salingato tangasa i 2000 a mihecaan, o ninian i o tatangangay a longoc to saka laheci no demak i tini i Taywan, pakayniay toya 10 a mihecaan a misafilofilo, sanaw itiya a misalingato ami laheci to singkiw to a palowad to Lipo koing(立法委員) ato Kota taypiaw(國大代表) hananay, nga’ayay to ami palowad to teked a sa’po tora tang hananay ato pasadak to masamaamaanay a singpon, ato misalof to sapilikec to kanatal, ato pasadak tono kanatalay a singkiw, ono niyalo’ay a singkiw, ato tomok citodongay no Taywan, lomasato to sakakotaykotay ami likec to kanatal, ato pasadak to naitiniay i faloco’ to tayal tosapi dipot to siyakay, ano o masamaamaanay to a tayal tosapalowad to siyakay i, nga’ayay to ami pahadak, saheto o damesayay onano nai foloco’ay a demak, sanaw oninian a demak i, mapahapinangay to itini i polong no kanatanatal, matoya sowal no singpon topi pasadak i kalokanatal i 2021 a mihecaan, o Taywan i o sakafalo to a ono niya to a kanatal sanay a sowal, mikikaka haca to ‘ayaway a kanatal koka laheci to malo todongay a tada so’linay to a kanatal ko Taywan, miki’ayaw haca to i ‘aya’ayaway to padaka a kanatal.

Ono niyah finaweran tapang to ko Taywan.民主化的台灣

Naitiniho i kaholaman, olanan a o ninah finaweran tapang kako kanatal sanay a halateng, naitini i tono padakaan ama pacomod to tani i Taywan, toya tala’ayaw no fodfod to 1895 a mihecaan, itini i Taywan ‘aloman ko cifaloco’ay o mafana’ay a tamdaw to pakaylaay i o niyah finaweran tapang to kako kanatal Taywan sanay, I’ayaway to a mapalowad ko hatiniay a halateng ato faloco’, o sakahatila nila i, pakaylaay to nano piihan nangla to pikowan no Dipong(日本), itini i o niyah finaweran tapang to kako kanatal sanay a longoc ato faloco’, o todongay to o pipalowad to kanatal no Taywan, o matayalay no siefo a tamdaw i o hatilaay to o nano misingkiwan ama tayal, itini a mapahapinang, nano ‘ayaw ilaayto a lomengaw ko hatiniay a faloco’ ato halateng tosaka palowadaw to o niyah finaweran tapang to a kanatal yasanay a demak, mikihatiyaay toya I’ayaway a Congwhamingkow(中華民國) i 16 amihecaan a lomuwad, sanaw ilaay a mapahapinang i ci^tangay to tilid ato sapakafana’ a codad to “sa’ayaway to o niyah finaweran tapang to kako kanatal sanay itini i Yasiya(亞洲)” haiito caay ka awa ko hatiniay a faloco’ ato halateng no i Yasiyaay a kanatal to sapipalowadaw to o niyah finaweran tapang to a kanatal sanay a napinapi:na a palowad, nikaolira o itiniay i Taywanay a cifaloco’ay a tamdaw ami palowad i, ilaay to ami sa’icel, dengan sa caay ka laheci.（Siwkolan ‘Amis/Pangcah Suman 05/08’25）

O tahapinangan a tilid參考資料：

1.Goddard, W. G.（1966）．Formosa: A Study in Chinese History．East Lansing：Michigan State University Press, p.140

2. Authority Trends, 1949-2013: Taiwan. [2022-10-28]. （原始內容存檔於2022-10-28）.

3. 自由之家2021全球報告 台灣自由度94分排亞洲第2. 中央通訊社. 2021-03-03 [2021-12-22]. （原始內容存檔於2022-01-22） （中文（臺灣）.