Lin Zirou Siwsi

Lin Zirou Siwsi (林志柔修士)

Lin Zirou Siwsi (Br. Fritz Weber, SMB; 1932-), masofoc i Switzerland, i 1957 miheca mikapot to Paylenkay itiya, i 1964 miheca 3 folad tayni i Taywan, sa’ayaw itira i pisacakcakan to kakaenen a kofaw no Paylenkay ko tayal, miparomi’ad minanam to no Payrang a sowal itiya.

I 1973 mihecaan i, tayra ci Lin Zirou Siwsi i Maryknollkay minanam to no Kowaping a sowal. I 1974 miheca, patiko haca ci Lin Zirou Siwsi toya kadademakan ningra i pisacakcakan to kakaenen.

I 1993 miheca 12 foladan, itira cingra i Guiyuan no Taypisi ci Pan Erwin Simpu (Rev. Win Bollen, CICM) padamso patado to mirarakatay tamdaw kamaro’an patireng to “Pinan loma’” mipatado ko tayal. Kaitiraan ningra i “Pinan loma’” ko tayal i, hanatayra ci Lin Zirou Siwsi i kaitiraan no mirarakatay tamdaw a masasowal to no Payrang a macaca’of, saka tahidangen cangra tayra i “Pinan loma’” mingingoy a kamaen, mapadamso a mitomadaw to sakacitayal ato sadipot no isian.

Kaitira ho i Posong ko tayal ni Lin Zirou Siwsi o citodongay no Paylenkay to sakidafong, ira aca ko cecay lipay papisadak to kakaenen ato fadisoso a epah, misilsil to kamaro’an, saka manga’ay ko nano demak ni Lin Zirou Siwsi i kasakapot a Simpu ato Siwsi, todong sapipalasawad to kasomadan katoolan to niyaro’.

I 1978 mihecaan itiya, ci Lin Zirou Siwsi misatapang minanam to pisyasin, to lipalipay coroken ningra ko kasaciwkay no Paylenkay to tayal ato ’orip no malaSimpuay, saka manengneng ko nisyasingan ningra i Kalinta/ koyomi.

Roma i, ci Lin Zirou Siwsi to mihecahecaan to tosa lipay pakatofay mirakat miliyok to Taywan misyasin, mitilid to ni’oripan no finawlan i Taywan. Malecad ci Akli Simpu ko kaolah misyasyasin, saka adihay ko nisidayan no Paylenkay pipatenak to Ratoh masidayaty a likisi, o nianan ko manengnengay i naikoran a faco no Taywan.