Ke Yusia Siwni

Ke Yusia Siwni (葛玉霞修女)

Ke Yusia Siwni (Marie-Therese Felder) i saka 6 folad 15 romi’ad minokay to tayra i Switzerland.

I 1955 miheca 5 folad 5 romi’ad, ira ko sasepatay nano Switzerland Sen ciwcika remeskay a siwni, ato Switzerland Paylenkay a Simpu malahakelong tayni i Taywan, itini i Posong sa’etal miteka cangra patenak to Ratoh a tayal. Masapinang nangra sa’ayaway kadademakan i Taytongsi, roma to saka tosa o Takofan, saka tolo o Singko, ato saka sepat o Tawu sakowan, caay pakatama cangra to kanga’ayan dademak tono isingan, ano o isisiw to, away ko ising minengnengay to adadaay. Itiraay a citodongay a kowan, manga’ayay makilim no tekedan a paisingan, caay ka papina, mangalef ko i lotokay, ano eca i Sanayasay ato Fotod a pala.

Orasaka, oni a nai Switzerlanday a siwni, mitelek cangra to kadademakan patireng i Takofan maedengay pakamaro to 20 ko tamdaw a isingan, itira i Singko ato Tawu patireng to salongan isingan, misitapang to vangra to isingan patadoay tayal itiya.

O nano minanamay cingra itini i Taywan to tadamanay isingan i Taywan, mafana’ to no Kowaping a sowal, mikihatiya to kacalohan mipadangay isingan no Takofan tamdaw. Orasaka tadamaan ko ninanaman ningra, i’ayaw itira cingra i isingan no Tinsokiw i Takofan i, sahato cingra ko citodongay minengnengay to adadaay, ano paretatenga o papanengnengen ko ising ano saan i, itiya patayraen nai Switzerland a ising miliyaw minengneng.

So’elinay, wata: ko patado nangra to yincumin, nika halo finawlan no Takofan a mapatado to. Ano o yincumin ano eca o Payrang to a tamdaw, o piala to ’aca sapaising malecaday to 5 rimood, saadihayay caay ka ta’elif ko mo’etepay rimood. Ira ko 20 kafoti’an a isingan, ano nai lotokay malikelon a yincumin to pipaising i, caay ka ci’aca to maan aca, nawhani sacisowal sa cangra oya nai lotokay a yincumin mikalic to takosi i, maala ko semo’etay payso, patongal han to sapipaising i, mangalef ko rarima nangra saan.

Caay paka rarima to Taywan. (不想留負擔給台灣)

Patado ko tayal ni Ke Yusia Siwni itini i isingan no Tinsokiw i Takofan, itira i Tawu pa’oripay fo’is pidipotan mipadang to ma’epiay a kaemangay. I 1985 miheca patireng i Posong ko Makay isingan i, mitelek ko Siwni itiya: ka’osian a demak no Taywan a tamdaw – o sapidipot to pakoyocay sapatek sanay adadaay tamdaw. Matiraay, ci Ke Yusia Siwni malinah tayra i Singko itira i mimingay ising patado, mangalef oya mato’asay adadaay no ’Amis a tamdaw, caay ko pitala ningra to adadaay, ano kafana’en a adadaay, pakatofay sa tayra miliso’ toya adadaay, tangasa cecay miheca, nawhani pakatofay itiya masetol no tamdaw mapetek ko ’okak no kahong, tokaden, saka caay to kanga’ay tayra i kasaniyaro’ mipatado to adadaay tamdaw.

Nika paci’eci ko demak ningra, rakat sa a tayra miliso’ to adadaay tamdaw. Sa cisowal sa cingra: “Miahowid kako to mato’asay tamdaw, makahi ho papinengneng i tokowanan.”

Anini miheca ira to ko 82 mihecaan ni Ke Yusia Siwni, i’yaw no cecay miheca ira ko pitelek ningra: “Minokay kako tayra i Switzerland to sakiliteng.” saan. ’Alomanay adadaay tamdaw ato pasawali finawlan milicay to saka itini ningra i Taywan. Pasowal sa: “Mana’ay kako palifot tamowanan. Minokay kako tayra i Switzerland, ira ko patado patala no kiwkay tamiyanan to mamidipot a kaemangay patadoay tamdaw sakito’as no Siwni. Nika miliyas tamowanan anini, tango’or ko faloco’ no mako.”

Ano ira ko romi’ad no katimolay finawlan, manga’ay i 6 folad 15 romi’ad (2015) herek no lahok 4 ko widi itira i Siokang hikokiciw misera takuwan, o sasowalen: “Ke Yusia Siwniaw, ahowiday tisowanan.” Haen hanaca, o dengan o saca’of itakowanan a olah konini.