Katekup no pisikitangan no Hay-san

Katekup no pisikitangan no Hay-san (海山礦災)

海山礦災katekup no pisikitangan no Hay-san misalikaay.misikitangay.mifutingay ato ing-cia(鷹架),ko pangangan no cimacima a tamdaw ko yan-cu-ming, mafolaway a tayni i tokay a misakoli to tayal. roma sato,saa;yaw a katayraan no kapah no ‘Amis a matayal a satato’emanay ofang no pisikitangan i,o Hay-san(海山) no To-cen(土城), o Ciyan-ci (建基)no Roy-fang(瑞芳),hatiraay ko katatayraan no ‘Amisa matayal.o masa’Amisay ko saikakaay a aloman ko tayrayraay.ano itniay i kalingkoay aca,i posongay aca a tamdaw saheto matayalay to katalawan;kalolayan hatiraay ko kamawmahan no ‘Amis tamdaw .marawud ko katatiihan a mihecan i niyayro’ madeng talacowa kami kini a mikilim to mamatemo saan,tayni to imisasikitang-ay hatiraay ko demak. Sa’ayaw i, i tiya ay ho i 1960 a miheca iraay to ko nani Fanaway ato nani Tay-mali-ay a ‘Amis no Posong, mafolaw tayra i misatoemanay ko kataylan.

O pitingking itiya, i laloma’ no ra1980s a mihecaan,u na pisikitangan i Hay-san faloay a so’ot ko ‘aloman no mawmahay itiya,o yan-co-ming hananay tora i,tahiraray i lima so’ot ko ka’aloman. ira ko sowal no simpong itiya, “itira:sanay i caka pimelang a talo’an a paloma’ ko misikitangay no yen-co-ming no Fay-san” sanay :土城鄉永寧村番仔寮, 四座寮ato十四洞 tolo ko kalaloma’an no misikitangay a yen-co-ming.o ‘akawangay ko liton han to maan, o pifalah to ‘orip koya, kacelemcemceman ko katayalan. tahacowa ko pilifon han toya demak, fohal ci adada to katalawan.mabgalef ko fala’ ato fitoka.o roma sato a katalatalawan no msikitangay i, o mipatayay to tamdaw a lahod no sera, o tekup,mapulin a mi’orong,ma’emek no nanom, cowa ka kilimen ko katatiihan.arahan ko ko tawki no ci sikitangay,cu:wa ka ci harateng to kanga’aynga’ay-yan no kamawmahan. Masakena maxera to ko kararuman a demak.

Ya romi’ad toya 1984.06.20,matekup to ko pisikitangan no Hay-san.pito polo’ ira ko pito ko yan-co-ming, mata’lifay ko kalitosa no mapatayay aca, pararinien i likisi Tai-wan i, o sataangay a lekal no misikitangay koni, macekokay cimacima itiya.matama’ay ci a mala itiya, pasowal to cingra: ano masamaamaan haw i, tahira i kaxera ko tolas ssanay ko sowal ira to malekalay, roma sato i, patorod to sapaddiheko to loma’,45han ko folad to pipalifon, han nira ko ci todongay a ci sikitang. o cifaloco’ay a sani’adaay ato sidaitay to i cowacowaay a tamdaw i, malekal to a pateli to pinapina no payci o sapatayra i Hay-san. ikor to no Hay-san i, cowa ka pinapina a romi'ad, ira ho ko roma a matekupay pisikitangan no Tay-pak. hatiraay ko samo’ no miheca itiya. ‘osien i, toya miheca no1984, nani saka enem folad tayhira i teloc no miheca, a latekutekup sanay ko pisikitangan no Tay-wan i tiya. Pakayni i Hay-san saka cecay a ofang,ato saka tatolo ho rayaray sa a matekup ko pisikitangan,’osien ko mapatayay itiya i, toloay a so’ot ko mapatayay no misikitangay.

To ya laloma’ no 1980s hananay a miheca i,cowa kanga’ay kita toni sa ko sifo itiya, falicen ita ko demak nga sa to, cowa ka nga’ay kita a misasikitang sa.yanan to i,tahini to i 1990 a miheca i, ma’edef to ko pisikitangan, talaciwa to kita kini sa to ko misikitangay a marawraw. nani 1960 tahira i 1990, tato’oto’or sanay ko ‘Amis a tayni i pisikitangan a matayal, ira ko 20~ 30 no mihecaan a itini a matayal, hatiraay ko pikakilim no ‘Amis to saka’oripan. yanto i, ikor to no lekal toya i, ma’edef to ko pisikitangan, milalaplap to ko kosi, tatalacowa to kita a mikilim to ka’orpan kini sato, koya ‘Ami’amis a tamdaw.ira a ma’osi i tini i singpong, "tayra-ay i howing a mipatingki ko kosi no Hay-san"I 1983 a mihecaan,o sapilaplap ira to matayatayalay a tamdaw kona demak ira to ra.aka to ka itini , aka to pifadic to loma’ , aka to pitingeroh to loma’ sato ko pilalalang no kosi no Hay-san, pa’icel sa a milalaplap.o fadoc no lekal no misikitangay han to maan koya maro’ay ho i tira a yan-co-ming, kasini’adaan ko ‘orip ngara.

Tahini to i 2005.6.3, ya pisikitangan a pala no Hay-san i, misakapahan to no sifo o mala pisalamaan.pangangan han to原住民生態公園,milihay to pisitapang a misanga’. ira ko報導,toloay lefot a cepo(三千多坪) ko kakahad nora 原住民生態公園 hananay.ira ko pisalaman, ira ko pisa’opoan to malitengay no kiloma’an no yan-co-ming ato kasaopoan a sefi, iraay ko nihayan a pisalamaan a misaromaomaan ira ko pala, manga’ay ho mala pipafanaan no icowacowaay a mitiliday a tayra, tadafangcalay kona masamaamaanay a pinanaman aca ato pipahanhanan aca no tamdaw.