Guo Jiaxin Simpu
Guo Jiaxin Simpu (郭佳信神父)
[mikawit | o yin-se-ma no pisinanot]Simedan ni Guo Jiaxin Simpu i pinanaman ci Chen Ju.
Guo Jiaxin Simpu（Fr. Ronald J Boccieri）o nai “Mikapotay to mapadesay tamdaw” a kaciangilan i Maryknoll kiwkay, i 1968 miheca Simpu no Puxin Luo loma’ i Pusin no Canghua, mafana’ pasowal tono Payrang a sowal, malatosaay ko sician kaitira i Luo loma’ no Canghua.
I 1977 miheca 6 folad 23 romi’ad, sarakatay marepet no Komintang sifo kako, palafinen, dipotan kako to cecay lipay, pasowal ci Guo Jiaxin Simpu: “Palemedaen no Wama kiso, sa’icelen iso haw.” saan. I 1978 miheca, nawhani misoped kako to ngangan no marofoay to sician ato nikapolongan onto a ratoh patayra i roma kitakit, o milinikay imeng ato misolapay mirepet i takowanan, saka miliyaw haca kako milimok tayra i Luo loma’ Tinsokiw kiwkay i Canghua. Ikor, marepat kako, na ikoran tonini caay to kanga’ay no Simpu tayni Taywan, tangasa 1987 miheca, itira to kami i New York masaso’araw.
I 2000 miheca mafafalic ko sasiiked csician, manga’ay to ni Guo Jiaxin Simpu tayni i Taywan miliso’ takuwan, caay ko kafana’an i 2014 miheca 2 folad miliyas to cingra to hekal, anini (2015) miheca 5 folad 1 romi’ad, minokay to tayra ci Wamaan, itira kakarayan maafofo no Tapang.
Ka’ayaway sici a nikapolongan onto no Taywan awaayay ko sapadang, matiya ni Guo Jiaxin Simpu to saki tamdawan ato saliongoc no tamdaw mangodo a midamaay a romaay kitakit a tamdaw, o saka ci’icel piti’eran no matayalay tono nikapolongan itiya ho.
Miahowid ci Guo Jiaxin Simpuan karorayan to’ek no Taywan, o so’elinay faloco’ ato cimacodahay, i matoleday namal mikacaway to nikaolongan no Taywan. Itiya matengil ko pipalemed ni Guo Jiaxin Simpu a sapalemed itiya: “Palemedaen no Wama kiso, sa’icelen iso haw.” sanay. Mitolon kako to palemed no Kawas to Taywan, sa’icelen no Taywan.
Chen Ju siciw a facebook (https://zh-tw.facebook.com/kikuChen) 2015 miheca 5 folad 2 romi’ad.
Guo Jiaxin Simpu i 1962 miheca nai Amilika tayni i Taywan, itira i Luo loma’ Tinsokiw kiwkay no Posin i Canghua mala simpu no kiwkay. Sarakatay ni Guo Jiaxin Simpu a demak minanam to sowal no Payrang a sowal, pakaynien i Loma tilid no Fangcalay cudad minanam, saka mafana’ to sowal no Payrang cingra.
Nika itiyaay a kaemangay wawa kalosasowalan no pitilidan o “Safaay ko sowal no Taywan a sowal, kakaay ko sowal no Congko” sanay ko piepec sasiroma, kafahekaan ningra koni.
Roma i, masapinang haca ni Guo Jiaxin Simpu, miemet haca ko sifo to mitiliday a fokes, losid at oharateng, onian ko saka caay ka hemhem no faloco’, nawhani paretatenga cingra matiniay a pikiwiko o saka lasawad no kalita’angan, onikikayan a ningkiw. Orasaka, pakayni i masongila’ay kiwiko ko palowad to mitiliday, i pipasifana’ ni Guo Jiaxin Simpu t okaemangay wawa pakaynien i cuka ko pasowal cangraan: “Cayay ko kai saseti’ a matayalay kolong kiso, oya midoedoay to faloco’ no niyah a dademakay tamdaw.” Pakayni tonini i sakimiemecay a sakowan o awaayay ko ngaha.
I 1977 miheca, itiyaay a Chen Ju (27 mihecaan) o nano pidemak to piliyang a onto marepet no Komintang. I piki’adingay itiya, pakayni pisilsil ni Guo Jiaxin Simpu, mala macidahay a fafahiyan ci Chen Ju, mapatayra i Luo loma’ Tinsokiw kiwkay no Posin i Canghua misimed. Cecay romi’ad, tosa romi’ad, tolo romi’ad… saka enem romi’ad i semo’otay masafelengay imeng miliyok to pinanaman loma’ i, ’afangen ni Guo Jiaxin Simpu cingra, tomangil a mitolon: “Wamaaw! Dipoten konini fafahiyan a wawa, pafelien cingra to macodahay ’icel.”
Nai 1962 miheca a tayni Taywan, tangasa 1979 miheca tona misimed ci Chen Juan a malaplap pasadak, miwacay ci Guo Jiaxin Simpu to karorayan no Taywan a tamdaw, mafaliyosay a ’orip, madipot ningra ko nikapolongan no mita, midipot t osasapalen, ahowiday, ci Guo Jiaxin Simpu, sanga’ay hato ko hanhan, oya salo’afang iso i fangcalay kanatal o mamirarid mapalafangcal….
Mitiliday o sangsi no Kaocong, Tayciw a tamdaw “Nai Formaso a tilid” Lu Cianhui/Yan Lizhen, kowaping/Dipong a nirina’an: Tusan sya 2012 miheca 7 folad.