Fatad kanatal
Fatad kanatal (中途島)
[mikawit | o yin-se-ma no pisinanot]Fatad kanatal (Inkiris: Midway Atoll, sasowalan: Midway Islands, Hawaii: Pihemanu), sasifo’ay no Taypinyang a kanatal, saheto o nano karat, o hetal salongan ira ko 6.2 kongli. Sahetoay o karakaratan ko Fatad kanatal, halo ta’angay tafokan kanatal (Sand Island) ato ka’emingay kawaliay kanatal (Eastern Island). Kaetip ka’amisan no Honolulu to 2,100 kongli, o nano Polynesia. Nawhan i saka 2 lalood no hekal no Amilika ato Dipong lalood ko sakacingangan nonini Fatad kanatal itiya.
Likisi (歷史)
[mikawit | o yin-se-ma no pisinanot]I 1859 miheca masapinang no Amilika konini Fatad kanatal, calapan no Amilika i 1867 miheca, 1903 miheca miteka ko riyaray sofitay no Amilika a mikowan, i 1905 mihea patireng to lalinikay no riyar a calay kalalicayan, i 1939 miheca kalo pacarcaran no hikoki ato matenengay tamina koni. saka tadamaanay kaheceraan riyaray sofitay no Amilika itiya. Tona matapi’ ko pihokhok milood to Pearl (odo’/cinco) minato i 1941 miheca 12 folad 7 romi’ad o riyaray sofitay no Dipong to ikor i, o riyaray sofitay no Dipong i 1942 miheca 6 folad 4 romi’ad milood to Fatad kanatal, nika cinipatalaay to ko Amilika itiya, malaom ko Dipong to 4 inaay tamina a mateneng, nanoyaan awaay to ko ’icel sakalalood i Taypinyang, pafeli o hananay to ko Amilika.
O tadamaanay kaitiraan no sofitay ko Fatad kanatal imatini. O fa’edetay romi’ad, rafas to 1,000 kongli ko orad to mihecaan, o pacarcaran no ’ayam no riyar, kasadakan no fafoy no riyar ko taliyok, mapatireng ko pidipotan to ’ayam itira. Kinacecay mipasadak to mihecaan, piharatengan to mapatayay sofitay itiya ho.
I 2011 miheca 3 folad 11 romi’ad, tona ira i kawali ka’amisan a Taypinyang no Dipong to tangasaay MW9.1 a lonen[2]. Oyana lonen ira ko takaraway 40.1 salitek no rangod, onini a rangod tayni i Fatad kanatal tangsa 1.5 salitek ko takaraw. Manaop no rangod ko kawaliay a kanatal maemin, salongan 60% ko marafanaway itiya. Oya itiraay i karat a noriyar a ’ayam salongan 1,000 ato romaroma a ’ayam maemin manaop no rangod a mapatay[3].
Pala ato sera (地理與地質)
[mikawit | o yin-se-ma no pisinanot]Romi’ad (氣候)
[mikawit | o yin-se-ma no pisinanot]Talacowa ono ka’amisan a calay (Tropic of Cancer) ko kaitiraan no Fatad kanatal, nika o so’emetay mafail ko romi’ad[4]. Matatodong ko kaciorad to mihecaan no Fatad kanatal, tosaay folad (saka 5 ato 6 folad) ko kakedalan romi’ad no miheca.
| Fatad knatal (中途島) | |||||||||||||
| Folad | 1 | 2 | 3 | 4 | 5 | 6 | 7 | 8 | 9 | 10 | 11 | 12 | Miheca |
| Satakaraway
hemhem °F（°C） |
80
(27) |
78
(26) |
79
(26) |
82
(28) |
86
(30) |
89
(32) |
92
(33) |
92
(33) |
92
(33) |
89
(32) |
88
(31) |
82
(28) |
92
(33) |
| Salongan hemhem °F（°C） | 70.0
(21.1) |
69.4
(20.8) |
70.2
(21.2) |
71.7
(22.1) |
75.3
(24.1) |
80.7
(27.1) |
82.5
(28.1) |
83.5
(28.6) |
83.5
(28.6) |
80.0
(26.7) |
75.8
(24.3) |
72.1
(22.3) |
76.2
(24.6) |
| Safaay hemhem °F（°C） | 62.2
(16.8) |
61.7
(16.5) |
62.6
(17.0) |
64.1
(17.8) |
67.4
(19.7) |
72.8
(22.7) |
74.6
(23.7) |
75.6
(24.2) |
75.1
(23.9) |
72.4
(22.4) |
68.4
(20.2) |
64.4
(18.0) |
68.4
(20.2) |
| Sasafaay hemhem °F（°C） | 51
(11) |
51
(11) |
51
(11) |
53
(12) |
55
(13) |
62
(17) |
63
(17) |
64
(18) |
64
(18) |
60
(16) |
55
(13) |
51
(11) |
51
(11) |
| Salongan kaoradan（mm） | 4.85
(123) |
3.82
(97) |
3.05
(77) |
2.98
(76) |
2.42
(61) |
2.06
(52) |
3.44
(87) |
4.32
(110) |
3.84
(98) |
3.79
(96) |
3.83
(97) |
4.09
(104) |
42.52
(1,080) |
| Salongan kacinanom no romi’ad | 16 | 14 | 12 | 11 | 9 | 9 | 15 | 15 | 15 | 14 | 14 | 16 | 160 |
Sakaira no pakayraan(資料來源)：kaetipay sa’etal romi’ad citodongay(西部地區氣候中心)[5]
Pinengnengan (參見)
[mikawit | o yin-se-ma no pisinanot]Lalood i Taypinyang
Lalood i Fatad kanatal
Kalaloodan i Fatad kanatal
Pinengnengan to tilid (參考來源)
[mikawit | o yin-se-ma no pisinanot]1.Australia-Oceania :: MIDWAY ISLANDS. CIA World Factbook. CIA. [2019-01-21]. （原始內容存檔於2019-01-21） （英語）.
2.NATIONWIDE POST EVENT SURVEY AND ANALYSIS OF THE 2011 TOHOKU EARTHQUAKE TSUNAMI. Coastal Engineering Journal. [2019-01-21]. doi:10.1142/S0578563412500015. （原始內容存檔於2021-11-07） （英語）.
3.日本震后海啸席卷中途岛 数千只海鸟死亡. 華商新聞. 2011-03-16 [2019-01-21]. （原始內容存檔於2021-11-02） （中文（簡體））.
4.Midway Island Climate Midway Island Temperatures Midway Island Weather Averages. www.midway.climatemps.com. [2019-01-21]. （原始內容存檔於2019-01-13） （英語）.
5.MIDWAY SAND ISLAND, PACIFIC OCEAN NCDC 1971-2000 Monthly Normals. wrcc.dri.edu. [2019-01-21]. （原始內容存檔於2019-02-21） （英語）.