Caayto ko mamiliyaw ci demak ko 228 a likisi.-Lai Cingte congtong
Caayto ko mamiliyaw ci demak ko 228 a likisi-Lai Cingte congtong (不容228歷史重演-賴清德總統)
[mikawit | o yin-se-ma no pisinanot]228 a demak mataelifay to ko 78 mihecaan, itiyaay mafadesay mapatayay itiniay mihecaan malodocay to. Tahatiniay, misa’icel ko Canghuasien 228 midamaay yofayof a kakeridan to palamo’ecelay to demak, ci Lin Caisou a mato’asay caay ho kahalafin ko piliyas to hekal.
Anini, o sarakatay no mako i kalacongtongan mikihatiya to piharatengan to 228 a demak, midayhiw kako to kitakit miliyaw a mili’ay tonini a demak, latek itiyaay miheca macodahay misi’ayaway to mi’emecay mikowanay a makari’ang mapatayay a mita’ong, pasimafadesay ko tireng a mita’ong; oya pakaliyasay to patay, tahanini oyaan to o makari’angay ko ka’orip, ato polong no laloma’an no mapadesay ko pihinom.
228 a demak caay ko sakisasiwtoc no finacadan ko kamatini no demak, to mihecahecaan ko piharatengan, caay ko misanga’ay to sakasasiwtoc. Patoroden i kasasiwtoc no finacadan han ko 228 demak i, ano awaay ko palisomad, pili’ay, o nika awaay no citodongay a demak ko nian.
O saka cidemak no 228, itiyaay miheca a Taywan syakay o mitekaay to miraoy to kacakat to’ek, nika mafades haca to nai Congkoay sofitay ni Chen Yi makari’ang, ato misatekeday ci Chiang Kai-shek to sapikowanaw to Taywan a ciraraway a nidemakan, awaay to ko pinang a sa’osien ko marepetay, marofoay, nipatayan a finawlan, mademak to ko kasasipatay no laloma’an, o ’alomanay laloma’an ala milaliw sa tayra i roma kitakit a milimek.
O cimala’omay ko syakay no Taywan to kapah toya to’akan, wata: ko kasetol saki Taywan a caay ka sa’osien.
O saka ci’ilo no Taywan ko 228 demak, ira ko pinapina mihecaan, o Taywan a tamdaw ira ko tangila awaay ko ngoyos, matalaw masasowal, nawhani ira ko milipiay a sici, awaay ko makahiay tamdaw pasowal to no niyah sasowalen. Tangasa ikor no nikapolongan no Taywan, itiya misitapang ko sifo mili’ay, palolol to payso, pafa’eloh to kacingangan, patireng to hecek, piharatengan a hanhan, patireng to kikingkay, to mihecahecaan ira ko piharatengan a ‘edaw midemak.
Wata to ko pidemak to pifalic to mo’ecel, nika matiya o sowal no piharatengan to 228 demak kakeridan no kikingkay ni Xue Huayuan, tahamatini ira ho ko ngiha syakay no Taywan, hinapec nao dengan oya makari’angay, awaay ko miri’angay; caay ho ka sapinang ko makari’angay, dengan o caayay ka tada hinom koya mafadesay ato laloma’an, o syakay to caay pakasapinang to so’elinay a kalali’ay.
Orasaka, sifo ato citodongay kasasiiked, o mamipadama to 228 demak piharatengan kikingkay, saki makari’angay a kalotilid o sakacitodong mapatiyol koya nadeakan, saka sapinang ko syakay.
Nikawrira, caay ko rahodayay misapinang toya so’elinay likisi. Mitiya i 1980 miheca 2 folad 28 romi’ad a laloma’an no Lin a kafadesan, tangasa anini caayho ka sapinang. Toni a mihecaan, pakayni to sapipahapinang to demak no Lin laloma’an a pisolap ato nikingkiway a tilid, caay pakaliyas to pidefong no kitakit, pahapinang oya nisolapay citodongay ko misa’etay to sapiliclic, mangalef makari’angay ri koya sapiwacay.
Orasaka Lin laloma’an a fades, citodong ko sifo, caay ka nga’ay mihakeno. Anini midayhiw kako to sifo, pasi Lin laloma’an a mili’ay.
Pakayni tonini 228 demakan, ikoray sifo o papasayra toloay pakayraan misa’icel.
Saka 1, misakalamkam mifahat to sician a nisimadan, nicoracor to sapinangaw. (第一，加速政治檔案開放，追查真相：)
[mikawit | o yin-se-ma no pisinanot]I nacila miheca, milongoc kako to citodonga kanga’ay no kitakit (koanci) to saki pi’emecan a to’ak, laloma’ no koanci salongan 100 ’ofadan ko nilinikan a tilid, kao no tamdawan ko pisahacecay misolap to sician a tilid, paherekan tonini mihecaan ’ayaw no saka 5 folad malaheci, i saka 6 folad mitahidang to Kofahuy citodongay mikowan misetek, pasadak, misapinang to so’elinay.
Saka 2, o mamilaheci ko sifo to sakifalic to mo’ecelay: (第二，政府會進一步落實轉型正義：)
[mikawit | o yin-se-ma no pisinanot]Saki mi’emecay pikowan a to’ek makari’angay salongoc no tamdaw a demak a kaitiraan mademak, milongoc kako to satakarawat Ponkapo miteka kadadoedo sapitomadaw, oya YIkuang kiwkay pala “oci mifalicay to mo’ecel a kaitiraan” a mana’ang, mapadipot. Nanay o kasa to’eto’ek tamdaw no Taywan, manga’ay micomod to kaitiraan no likisi, mipalisomad, maharateng to miepecay sakowan makari’ang ko salongoc no tamdaw, sapakonira, mapolong misatalolong i sakacowat no nikapolongan no Taywan.
Saka 3, akaa pisaliyaw midemak to kalatiihan no 228 a demak no likisi: (第三，避免類似二二八不幸事件歷史重演：)
[mikawit | o yin-se-ma no pisinanot]To mihecahecaan miharateng to 228 a pi’edaw, caay ko dengan o piharatengan to mafadesay mapatay, mihinom to laloma’an, mipalasawad to kadoka’an, saan nanay oya likasi ko picaliwan, misapinang o a eca to piliyaw cidemak ko matiniay a likisi.
Kafana’en no mita, iraay ko cisalongocay (sakowan) ta ira ko kitakit, ira ko kitakit ta ira ko nikapolongan; ira ko nikapolongan, ta manga’ay no finawlan a malatawki; mala tawki ko finawlan no kitakit, ta caay kalakikay ko kitakit a miliyaw mikari’ang to finawlan.
Mafana’ay kita, caay pisawad ko Congko sapiloodaw mi’emod to Taywan, o salongoc no Taywan, o sata’akay katalawan no finawlan no Taywan, o nai Congkoay.
Tona misi’ayaw to masamaamaanay a salifet, o tatamorongen ako i o sakarikec no Taywan, caay ka sasiiked no finacadan, ’ayaway ikoray tayni, ano o mihamonay to Taywan, saheto o tawki no Taywan.
Mirikec kako to Taywan, mangalay i kahacecay no tamdaw midama to salongoc no kitakit a caay ka falic; midama to sakarihaday lipahak no finawlan, caay ka calap maemod, caay ko mamiliyaw ci demak ko 228 a likisi a caayay kafalic a foloco’.