Anni Funk

Anni Funk Dingkiwsi (安妮‧芬克傳教士)

Anni Klemmer Funk (Annie Clemmer Funk, 1874 miheca 4 folad 12 romi’ad-1912 miheca 4 folad 15 romi’ad) Amilika Kristokiw Dingkiwsi, matenengay Titanik pirarakatan tamina oya cecay no 1500 tamdaw  mapatay[ 1 ]. Nai 1906 mihecaan miteka, itiraay i Janjgir-Champa niyaro’ no Chhattisgarh sa’etal i India a Dingkiwsi[ 2 ]. O maminokay tayra i Amilika miliso’ to adadaay a ina.

Kaemangan ’orip (早期生活)

Anni Funk (Annie Funk) i 1874 miheca 4 folad 12 romi’ad masofoc i Barre no Pennsylvania. O tato’asan ningra o malinahay Mennokay no Germeny, nai 18 sician malinah to tayni itini. Ci Anni Funk kaying mitiliday i West Chester singsian kakko.

Niyaro’ kiwkay ningra o nano sukay no Mennokay i Hereford, o mama ningra malasicuci to 25 miheca itira, nanokaemangan ningra mapalahad no kiwkay ko sakalasinkiwsi a mangalay. O pitilid ningra i Northfield no Massachusetts a Northfield Seiso pinanaman kakko, oni pitilidan nai DL Moody's patirengan. Misawad i, itira cingra i Chattanooga no Tennessee ato i Paterson no New Jersey pakoyocay malafelay tamdaw ko tayal. Misafaloco’ saka lasinkiwsian[ 3 ].

Tayra i India misinting. (到印度傳教)

Malaheci ko tayal i niyah kitakit Amilika i, milonok cingra to sakatayra i roma kitakit. Tada paso’elin to Kawas cingra. Ira ko cecay, calemcem ko faloco’ no widang cingraan sarakat milacal to Tasiyang a riyar manga;ay rihaday hakiya, pasowal han ningra cingra: “Miingir ko Kawas titaanan i riyar to i sekal to. Mitier kako Cingraan, awaay ko talaw ako.” sa[ 4 ]. Nanoya, o sakalasinkiwsi no harateng ningra i 1906 miheca 12 folad malaheciay to, mala sarakatay niocoran no Mennokay sinkiwsi patayra i India.

Tangasa ci Annie i Chhattisgarh no India a Janjgir-Champa sa’etal matayal. I 1908 miheca, patireng cingra to rawang no pitilidan ato pilafinan pakoyocay fafahiyan. Sarakat ira ko 17 ko tamdaw minanamay i pitilidan. Kaitiraan ningra minanam to sowal no niyaro’ a sowal (India). Ikor mala piharatengan ci Anni Klemmer Funk pitilidan. Anini dengan to o patih ko iraay, ira mapakafit ko tilid, matilid ko kasofocan ato kapatayan ningra[ 2 ].

Kapatayan (死亡)

O cecay a dinpo micara to tayal ni Funk, o tilid no dinpo: “kalamkamen minikay. Tadanca to ko adada no ina. Ma’aca to ko tosaay sapikalic to tamina, Shelley foksi.” Saan. Matiratira i awaay ko pasowalay to o mamapatay to ko ina ningra saka, saranikay sato ko pisetek ni Annie to sakaromakat a halaka. Wataay to ko nirakatan tangasa i Liverpool, oya kakalicen ningra a tamina tayra i Amilika pakayniay to sikitang misawad ko matayalay saka matayo to ko lowad. Pali’ayaw to cingra to roma tamina kakalicen o Titanic haw to. Mi’aca cingra to saka tosa kippu ira ko 13 Inkiris payso sapikalic minokay.  

I 1912 miheca 4 folad 10 romi’ad, Titanic tamina nai Southampton lomowad. Romakat to saka sepat romi’ad, masetol no tamona ko so’eda a lotok, paliyasen nanay ni Funke ko malainaay itiya (caay ka saheci konini demaj) mapatay aca[ 2 ] [ 3 ] [ 4 ]. Talacowa matama ko tatirengan ningra, caay ka sapinang ko kacinganganan.

O Menokay i Hereford no Pennsylvania a pitademan ira ko matiliday kompay[ 3 ]: sarakatay pipahanhanan pinokay ningra I, itira i sekal no Newfoundland kona kateneng no Titanic tamina cimalasawaday ko ’orip. O da’oc no ’orip ningra o sakitawki (Kawas) ko nipatadoan, caay ko nipipatado to tamdaw, o tao ko nipatadoan.”

O cecay “Piharatengan ci Annie Funke” a filomo ona mitelek “ano hakowaay?” itira i niyaro’ ningra i Pennsylvania, midotoc no Mennokay rocokan a calay[ 2 ].  

Pisapinangan (參考)

1.“泰坦尼克號二等艙乘客——FUNK，安妮·克萊默小姐”。泰坦尼克號-Titanic.com。原文存檔於 2012 年 4 月 26 日。2012 年4 月 18 日檢索。

2.「恰蒂斯加爾邦城鎮與『泰坦尼克號』的連結」。印度教。2012 年4 月 16 日檢索。

3.“安妮克萊默芬克小姐”。泰坦尼克百科全書。2012 年4 月 17 日檢索。

4.“當你看到泰坦尼克號時......請記住安妮·芬克”。美國門諾教會。原著存檔於 2013-04-15。2012 年4 月 17 日檢索。