Aniniay romi’ad i saway-Misatatad to Taywan yofayof a demak
Aniniay romi’ad i saway-Misatatad to Taywan yofayof a demak (歷史上的今天-獨台會事件)
[mikawit | o yin-se-ma no pisinanot]I 1991 miheca 5 folad 1 romi’ad mihapiw to palasawad “Tongyin kanluan sici linsi tiaokuan”, 5 folad 22 romi’ad mihapiw to palasawad “Cengci panluan tiaoli”, 6 folad 3 romi’ad mihapiw to palasawad “Kanluan sici ciansu feitie tiaoli”, toloay tatiihay rikec mapalasawad t oitiya.
Nika i 1991 miheca 5 folad 9 romi’ad cidemak ko “Misatatad to Tayw yofayof”, caay ka pidoedo to toloay tatiihay rikec ko kalasawad. Tangasa i roma miheca 1992 miheca 5 folad 15 romi’ad, Lifayin kinatolo mihayda “Singfa” 100 liyad pisalofan i, nawhani pipalasawad to milimekay mirawraway raraw a satefoc, “Misatatad to Tayw yofayof” patiko mitomadaw, 7 folad 27 romi’ad polong noni a demak caayto tomadawen, tangasa “Misatatad to Tayw yofayof” kalalowadan no demak a mapalasawaday to.
Tiaocaci patahtah sa miocor micomod toCinghua daykako (調查局公然派員闖入清華大學)
[mikawit | o yin-se-ma no pisinanot]I 1991 miheca 5 folad 9 romi’ad, micomod i Tsinghua daykako ko dademakay no tiaocaci Fawopo, mirepet to mitiliday kingkiway to likisi ci Liaowicen. Toya romi’ad, papotalay tamdaw ci Cencenlan, Wangsiuhui, Masao Nikar (Lin Yinfo) a sasepat marepet.
Mapa’ilo cangra mikapot to i Dipongay Misatatad to Taywan a palowaday tamdaw ci Shi Ming a padafohan “Misatatad to Taywan yofayof”, misa’osi to “Sepatay so’ot miheca likisi no Taywan” (Taiwan ren sibai nian shi) padama mirina’, palilam to pisinting a tilid, o nano nisolapan no Tiawcaci. Ikor, citodongay pacipat to tikid ci An Cenkoang i 5 folad 11 romi’ad marepet, onini lalimaay o mifelihay to “Cenci panluan tiaoli” tosa ira ko cecay a ta’akay raraw o papatayen.
Miliyang ko ’alomnay finawlan malisaot i Congcenmiaw ato syataw no Taypi (抗議群眾集結於中正廟與台北車站)
[mikawit | o yin-se-ma no pisinanot]Sakinian a pirepet a demak to Misatatad to Taywan yofayof tangsol sa mafa’owic ko finawlan no syakay, o kasakapotkapot no mitiliday i daykako masasicofel to sapiliyang, i’ayaw no 1 miheca (1990) 3 folad cidemak to Yipaihe mitiliday onto, o syakay a finawlan takaraw ko sakadademakaw. O mitiliday miketon i 5 folad 12 romi’ad patikol tayra i Congcenmiaw a malisaot miliyang, salongan mataelif ko semo’otay tamdaw miliyang, talacowa toya romi’ad tangsol sa malaplap no tayrin ato sofitay macolo’ no paso, mapalafac, nika nanoyaan mangalef mangalef ko kalengat no finawlan micalap to Taypi syataw ko demak.
Toya 5 folad 13 romi’ad, o sapicokeraw to Misatatad to Taywan yofayof a demak, Cinghua daykako a dayhiw no mitiliday “Cinghua daykako haki anini miteka polong a paterep mitilid, todong piliyangan”, sato ko pihapiw, oya 28 a hakasi no Cinghua daykako itiya to herek no lahok pasadak to “Pakoniraay ko pikingkiw, awaay ko raraw no harateng” sanay a paterep onto. Toya 5 folad 15 romi’ad, o nai polongay a kasaniyaro’ a mitiliday, hakasi ato syakay onto a yofayof micalap to siyataw no Taypi, pasimirarakatay tamdaw pasifana’ to “Palasawaden ko mifelihay tatiihay a rikec, milongoc pasadaken ko pakokotan, miliyang to mikari’angay a sici, mingodo to pakonira a pikingkiw” sanay 4 a misaakoan. Ikor, miliyangay a finawlan micalap to syataw no Taypi ira ko 6 romi’ad 5 ko dadaya.
Itiya 5 folad 17 romi’ad, nawhani kareteng ko piorong to pilepi no finawlan ko Congko kmt, o Lifayin kinatolo nisa’osi mihayda palasawad to “Cengci panluan tiaoli” (Lifayin mihayda masiroma ko pihapiw), ca Liaowicen a lalima mapasadak to. I 5 folad 20 romi’ad, “Mafenekay tamdaw mifelih to kari’ang no sici a yofayof” palowad polong no finawlan “Mifelih t okohecalay katalawan ato kari’ang no sici” a pirakat, ca Liaowicen, Cencenlan, Wangsiuhui, Masao Nikar (Lin Yinfo) miawit to “Finawlan no Taywan cisalongoc mitelek to pakayraan no Taywan”, mapolong mikapot to ’alomanay ’ofadan tamdaw a mirakat, nanoya oya itiraay miliyangay i Taypi syataw a finawlan miliyas to.
Polong no pipalowad kaciraraw nai mifelihay raraw mafalic laloma’ay miraraway raraw ko pipararaw. (全案從叛亂罪改以內亂罪起訴)
[mikawit | o yin-se-ma no pisinanot]Talacawa oya “Cengci panluan tiaoli” mapalasawaday to, nika polong no demak mafalic to pasi “Singfa” 100 liyad a telek: “Sapipelengaw to kitakit, micalap to sera no kitakit, ano eca o moraraway ko demak mifalic to kimpo no kitakit, mifelih to sifo, misatatas midemak i mapasetek ikakaay no 7 miheca ko demak, kakeridan i o awaayay ko romi’ad marofo. Mipatalaay ano eca minikiway raraw pa’ayaw a raraw, matefoc to ikakaay 6 miheca, laenoay no 5 miheca ko katefoc.”
I 1991 miheca 12 folad 3 romi’ad, satakaraway hoyin no Taywan midotoc to “Singfa” 100 liyad saka 2 tosir misetak: Liaowicen awaay raraw, Ancenkong masetek 10 folad nayar to 3 miheca, Cencenlan, Wangsiuhui, Masao Nikar (Lin Yinfo) o mamipatala to sapirawraw a raraw masetek 3 miheca tangasa 1 miheca 6 folad.
Hakasi no likisi pacecay ci Couwanyao, o “Singfa” o nano nitelekan no Conghuaminko i 1935 miheca, o Taywan o Dipong ho ko mikowanay itiya, oya ROC o mi “parakatay ho to sician”, onini a rikec tayni i Taywan caay ho kafalicen.
Kafiyol no Misatatad to Taywan yofayof (獨台會案的影響)
[mikawit | o yin-se-ma no pisinanot]Ikor, mapalasawad to ko “Singfa” 100 liyad padoedo ho ko finawlan sapiliyang a demak. Tangasa roma miheca 1992 miheca 5 folad 15 romi’ad, Lifayin kinatolo mihayda to “Singfa” 100 kiyad a misalof, nawhani mapalasawad to koya misamawmaway mifelih a raraw a tefoc, oya “Misatatad to Taywan yofayof a demak” mapatiko miliyaw mitomadaw, i 7 folad 27 romi’ad, nawhani ca Liaowicen a 5 tamdaw a nidemakan awaay ko piliyang toya nifalican a saka 100 liyad, polong no kaciraraw caay to ko laliclicen, tangasa anini oya “Misatatad to Taywan yofayof a demak” a nilengatan a kasacofecofel a demak nanoya sa a paherek.
“Misatatad to Taywan yofayof a demak” saka kina 3 misa’osi mifalah no Lifayin, oya “Singfa” 100 liyad masalof to itiya saka 2 miheca mahayda, saka nikapolongan no Taywan o talolongay a kafiyol.
Filomo: Saikoray mifelihay ciraraway (紀錄片：末代叛亂犯)
[mikawit | o yin-se-ma no pisinanot]“Saikoray mifelihay ciraraway” o nai sasepatay mitiliday no Cinghua daykako ko misasingay ato misanga’ay tonini a filomo, pakayni i nisowalan likisi ato matikiday a demak, mapasadak ko nano mafiyolay i 1991 mihecaan a “Misatatad to Taywan yofayof a demak” a kacowat ato naikoray.
Onini a filomo miliyaw kasasowalen oya tatosaay a cidemakay, mikihatiyaay to maomahay onto a fafahiyan ci Wangsiuhui, ato yincumin ontoay ci Masao Nikar, o kacingangan nangra mato masimeday i syakay onto a tosaay finawlan, fafahiyan ato yincumin, o awaayay ko sapasowal salongoc itini lekakawa no kitakit, ano itini to i ontoan malawaay to a tamdaw.
Misatatad to Taywan yofayof a demak pasowal sako citodongay ci Wangsiuhui: “Letek o nika’eca ka sinanot ako, kalaliyangan a tamdaw ato maliepahay mitamakoay a fafahiyan no Taywan saka, halafinay maepecay no misa’alingayay no mama a syakay, miliyasay to ramod a fafahiyan a pinangan o mamidotoc to kasinanot, nika caay padeteng sa mi’emet kako tonini, maolah mikihatiya to widawidang a matatawatawa, awaay katatiihan, nanay palisomad mili’ay ko widawidang ako i takowanan.